Epson EH-TW8200 投影機

pepsiman

不諱言，撰寫這個報告為私多於為公，何解？大家看下去便知曉 .....


筆者愛上家庭影院除了喜歡刺激的音響效果之外，最令我著迷的就是那震撼的大畫面。回想當年由一部25吋顯像管大牛龜電視機，轉到29吋480P東芝電視看帝國驕雄，雖然只是4吋的差別，但已令我翻看不知多少次呢！到我第一部投影機出現，不知為何80吋的畫面反而不能滿足我，之後升級至92吋投影幕，才開始感到大畫面配合音效帶來的震撼。不過影音發燒友總是貪得無厭的，在一次家訪中看過網友家裡那120吋畫面，感覺就似將整個IMAX戲院搬到家中，對！這才是我夢想中的烏托邦。


早前因需要搬到新居關係，終於可以將家中的小型影院變成中型影院（由92吋升級至120吋），舊有的三菱HC4000投影機雖然仍滿意她的表現，但要在18呎距離投出120吋畫面，未免太難為了她。於是；筆者便開始尋覓新歡，不過須要合乎以下幾個要求：（一）足夠流明應付2D和3D影片（因新居遮光不足）、（二）黑位一定要夠黑（因看慣DLP投影機）、（三）白色機身配合家居裝潢（要迎合太座要求）、（四）具備lens shift功能（家居陳設局限安裝位置）、（五）價錢不可太高（購置新居家具電器已令筆者接近破產）。在以上種種的限制下，筆者找上這部全新推出市場的Epson EH-TW8200投影機。


Epson是全球唯一的LCD面板生產商，利用自家研發的最新3D LCD技術，來到這部已經是第三代。記得在推出第一代EH-TW8000時，筆者亦曾向代理借回來一嘗3D電影滋味，憑著其傲視業界的480Hz驅動面板技術，令左右眼3D影像交替的瞬間黑暗時間減至最少，3D影像自然更光亮，同時亦減少Crosstalk問題產生。全新Epson EH-TW8200投影機採用0.74 吋D9 C² Fine 3LCD全高清投影面板，亮度達至2,400流明，實試時在遮光情況不足下，3D影像仍能保持光度，非常適合筆者的家中情況，解決了第一個要求。


過去一直使用DLP投影機的原因，是因為喜歡他的黑位表現，電影感比LCD投影機強，所以筆者今次測試會特別留意這部EH-TW8200投影機的黑位表現。瀏覽過Epson的官方網頁中得知，新一代機種採用全新的自動光圈系統，能減少組件內部空隙降低漏光情況，從而進一步提升遮光率，令此機的動態對比度可高達600,000：1。另外，自動光圈功能更設有「高速」、「標準」及「關閉」三種模式，可讓用家因應個人喜好，選擇最合適的模式。在試機時，投影機設置在筆者頭頂對後三呎位置，在使用「標準」模式時，光圈開合聲音極少，絕不打擾看電影的心情，亦乎合第二個要求。


由於新居太座不想將投影機倒吊在天花板影響家居佈置，所以投影機只可以安裝在牆壁上，但不幸的是對正投影幕的那度牆正中位置內裡正是電線槽，一旦安裝投影架鑽孔時觸及電線便不堪設想呢！所以安裝投影機架上便受到一定限制。EH-TW8200投影機提供垂直 ± 96%、水平 ± 47%的大幅度鏡頭平移（Lens Shift）功能，擺放非常靈活。而其冷卻用的進氣及排氣口，均設於機身前方，可以貼近牆身安裝，減少佔用空間。同時其白色機身能輕易隱藏於家中白色為主的傢俱和牆壁顏料，通過太座這關便更沒有難度。而另一喜歡此機的原因，就是那電動開關防塵活門，無需擔心關機時鏡頭積聚塵埃，亦不會再因手動裝拆鏡頭蓋而影響畫面對焦。好！第三及四個要求迎刃而解！



在正式測試前，一如以往由取得ISF認證Chris版主先來一次調校，以配合家居的反光情況和投影幕質素。


從圖中可看，此機出廠時已經不錯，經調校後RGB及伽傌曲線已接近重疊，數據極為理想

調校前


調校後


影像調校參考數據














相對於紅外線操作的立體眼鏡，採用Full HD 3D Glasses RF技術標準的藍牙立體眼鏡更能夠減少對其他無線裝置的干擾，觀看立體影像倍感舒適穩定。而這眼鏡不算太重，看畢一套電影亦不會感吃力，不過再輕一點當然會更好呢！


按住上方pairing按鈕數秒便會與主機連結


搖控器手感不俗，而且還有貼心的夜光功能


兩個HDMI端子輸入，對於筆者使用只得一個HDMI輸出的CARY前級最為實用


這個世代相信色差輸入已用不上呢！


連動Trigger端子可在開啟投影機的同時，也將投影電幕一併降下


這次找來三張藍光碟來作測試，包括Ironman 3、攻。元2077和古魯家族

在色彩上，此機非常飽滿，看慣DLP投影機的筆者甚至覺得有點過火的情況，但經過調校後，色彩回復準確，而且吸引非常。








對比度在Auto Iris功能協助下，黑位深沉而實淨，光位層次變化亦顯而易見。














雖然3D電影仍未屬主流，但不少卡通片都會用上這個賣點來吸引小朋友。此機播放3D藍光碟時，效果非常突出，正如之前所講，其480Hz驅動面板技術令畫面保持力度，比起2D影像不會暗很多，色彩亦沒有很大的損耗。字幕Crosstalk問題雖然仍然存在，不過在眾多投影機當中，算是表現不俗呢！




比起第一代，動態對比度已提升三倍達600,000：1，表現在畫面中可見一斑




後記：合乎前四個要求再加上有如此表現，似乎已經是非買不可的，至於最後一關，雖然已超出筆者的二萬圓筆直，不過最終還是乖乖放下金錢呢！在4K投影機價格還是高企的今天，像我這樣貧窮的發燒友實在負擔不起接近半十萬或更多的金錢在投影機項目，這部Epson EH-TW8200投影機或許是這個時期最佳的代替品。

bigpun1975

依家都係LCD世界，三菱都吾玩喇

wongultraman

"三菱都吾玩"係事實，但係依家唔係LCD世界，至少投影唔係!

bigpun1975

wongultraman 發表於 2014-2-14 00:03
"三菱都吾玩"係事實，但係依家唔係LCD世界，至少投影唔係!

師兄可否分享下你睇法呀

wongultraman

bigpun1975 發表於 2014-2-14 00:51
師兄可否分享下你睇法呀

我亂嗡啫,你唔好見怪

商用應該係好多LCD(一味夠光)
其實師兄有冇計埋近排TB好多人買果d小型DLP projector?

bigpun1975

wongultraman 發表於 2014-2-15 00:15
我亂嗡啫,你唔好見怪

商用應該係好多LCD(一味夠光)

效果如何呢？家用市場喎！我數來數去都係SXRD, DILA, LCD , 其實都係LCD, OPTOMA 有DLP， LED 咁囉，在上DLP 就係天價嗰D例如Sim, Barco 就用DLP

BoB182

下次換機想試LED，唔洗怕膽壽命

pepsiman

BoB182 發表於 2014-2-15 01:44
下次換機想試LED，唔洗怕膽壽命

如果用Optoma HD90，以你屋企即距離，隨時投到128吋呀。。

ilccmcf

DLP 無錯黑位係最好, 但係COLOR 同速度方面真係比較弱
DLP 我由入門玩投影已經用, 之後轉 LCD , DILA , SXRD
我玩左投影大大話話都十幾廿年, 裝過上架都有10部8部, 咁多年得出一個買機心得 !!!
就係"速度"
COLOR 對比現買到既機都可以調 D65 9成以上, 黑位有動態補償入門機都已經夠晒, 只有速度部部機都會有所分別, 投仔最大敵人.... 拖尾.... 定鏡超靚4K 好 8K 好..... 只要一拖尾就非常無癮!!! 增格........... 90% 一開增格就非常唔自然, 無錯係好清, 但古古怪怪既速度係不能接受 !!!
所以原生速度係好重要.... DLP 慢慢就會比其他取代, 因為 48P 電影會慢慢, 慢慢取代 24P !!! 只要睇過哈比人就知到

claero

photo seems great

BoB182

pepsiman 發表於 2014-2-15 10:00
如果用Optoma HD90，以你屋企即距離，隨時投到128吋呀。。

128吋 咪鬼引死我啦
不過都係唔得，投128吋對前置咪要分得好開
我怕影響兩聲度喎

yonnie2

pepsiman

yonnie2 發表於 2014-2-16 00:03

二師兄,好耐無見呢...

yonnie2

pepsiman 發表於 2014-2-16 00:40
二師兄,好耐無見呢...

自己依家玩機既時間越黎越少，不過見你搬新屋又完成120”之夢真係登你高興，咁大地方又可以攪多幾場私拼，幾時可以上你到參觀吓呀

pepsiman

yonnie2 發表於 2014-2-16 01:50
自己依家玩機既時間越黎越少，不過見你搬新屋又完成120”之夢真係登你高興，咁大地方又可以攪多幾場私拼 ...

隨時都歡迎你地呢班老臣子嚟賜教啦，
不過對後中置仲未到、D獨立電仲未run in、
同埋仲未set好套機先唔敢邀請你地嚟之嘛

bigpun1975

pepsiman 發表於 2014-2-16 09:32
隨時都歡迎你地呢班老臣子嚟賜教啦，
不過對後中置仲未到、D獨立電仲未run in、
同埋仲未set好套機先唔敢 ...

訂左乜?

pepsiman

bigpun1975 發表於 2014-2-16 12:34
訂左乜?

咪又係revel。。

七彩小生

4K 一濶三大, 唔係人人玩得起, 有得玩就算, 反正又唔係咁多時間玩支持樓主百事佬

4Ktv

bmb_hd

百事佬，可否告知你呢一shot 係幾分幾秒拍攝的？Thanks!

\