可能係最靚的拖板入手- GURU Infinity

oteloj

小弟一向都好支持GURU D 産品, 次次出D 補品效果都好正面 , 而且代理服務真係無得頂, 任你試任你玩, 唔識玩教到你識, 除左代理唔少大品牌, 重有自己出唔少配件同幾千至幾萬蚊線材. 最近又出左個自己品牌拖板, 一看張相己經心思思, 因為真係好靚仔, 完全真係唔似香港出産

打去同個老板傾下, 他話好好聲, 一定要去試下, 他話個拖板特點係無色無味, 完全發輝套音響器材個原有味道, 由於無色無味, 所以個拖板條電源線非常緊要, 唔好選d 只得力水電源線, 要選d 有質感音樂感強架電源線

另外老板話做lee個拖板理念係做一個電流同接牆身無分別拖板, 他話個拖板毎個位一樣有甘強電流, 接Mono amp 都無問題, 唔會聽得出同接牆身有分別, 個拖板重有個位可以接地盒, 接左可以張個音場拉闊d同深d

聽完甘好今日就上去試下, 效果真係好正面, 雖然今個月真係已經買左好多HIFI野 ,但係都要乘乘地買反去, 試多幾日先再出報告

P.S. 另外GURU重借左條入門RCA線比小弟反去試下, 話雖然係入門, 聲音都好滑好有質感, 點解係入門, 因為知小弟玩唔起D貴線

sealteam4

好靚仔
有無八個位，器材比較多

Legionee

sealteam4 發表於 2014-9-13 21:21
好靚仔
有無八個位，器材比較多

八位＄8800,六位＄6800；連金字塔買有bargain.

oteloj

sealteam4 發表於 2014-9-13 21:21
好靚仔
有無八個位，器材比較多

有六位同八位

oteloj

Legionee 發表於 2014-9-13 21:27
八位＄8800,六位＄6800；連金字塔買有bargain.

唔止LEE 個價呀

guru_acoustics

正式售價

六位：＄8280
八位：＄9980

星期一開始在（荔枝角 GURU），（旺角 輝煌）及（中環 名望）發售。

ke1

guru_acoustics 發表於 2014-9-13 22:16
正式售價

六位：＄8280

點解個價錢同樓上位師兄講嘅差咁遠嘅

八位＄8800,六位＄6800；連金字塔買有bargain.

ke1

oteloj 發表於 2014-9-13 21:31
唔止LEE 個價呀

師兄點解你唔諗吓會唔會係你買貴咗，而係代答唔呢個價呢？
唔通你係打手，幫手出廣告？

chowchowchow

ke1 發表於 2014-9-13 22:36
師兄點解你唔諗吓會唔會係你買貴咗，而係代答唔呢個價呢？
唔通你係打手，幫手出廣告？  ...

又葉問打十個

guru_acoustics

樓上所提及的（八位＄8800,六位＄6800 是最初最初估計“希望”最低售價。
由於，最終成本超出我們計算很多很多（原因是最後的正式版，我們再細膩地修改了多個不同部份）

現在正式售價的確是：六位：＄8280，八位：＄9980

（連金字塔買有bargain）這不太正確。正確來講應該係，有拖板加金字塔組合的套餐。

chowchowchow

幾靚仔 恭喜師兄

"打去同個老板傾下, 他話好好聲, 一定要去試下, 他話個拖板特點係無色無味, 完全發輝套音響器材個原有味道, 由於無色無味, 所以個拖板條電源線非常緊要, 唔好選d 只得力水電源線, 要選d 有質感音樂感強架電源線"----有點建議，竟然個拖板係無色無味，接牆同拖板條缐更加冇需要加條整色整水嘅缐 如果唔係浪費哂 不喜勿插

oteloj

ke1 發表於 2014-9-13 22:36
師兄點解你唔諗吓會唔會係你買貴咗，而係代答唔呢個價呢？
唔通你係打手，幫手出廣告？  ...

我之前都以為係六千幾, 今日先知有員工之前放錯料, 絶唔係打手, 真金白銀買反來, 首批買有九折買反來

ke1

oteloj 發表於 2014-9-13 22:55
我之前都以為係六千幾, 今日先知有員工之前放錯料, 絶唔係打手, 真金白銀買反來, 首批買有九折買反來 ...

我見你仲答得快過代理先覺得有問題啫

oteloj

chowchowchow 發表於 2014-9-13 22:55
幾靚仔 恭喜師兄

"打去同個老板傾下, 他話好好聲, 一定要去試下, 他話個拖板特點係無 ...

玩音響都係自己試la, 毎個人要架野又唔同, 器材又唔同, 我初試就覺得比以前Sine隔離牛Dynamics多左, bass強左, 動態多左, 但背景好似無以前甘靜

oteloj

ke1 發表於 2014-9-13 23:05
我見你仲答得快過代理先覺得有問題啫

師兄, 我今日下午先去代理買點會唔知價呀

ke1

oteloj 發表於 2014-9-13 23:12
師兄, 我今日下午先去代理買點會唔知價呀

我諗傍人睇到都會覺得奇怪，點解用家會咁緊張個售價呢？如果真係有人買得平咗又有咩問題？在於用家立場唔係想買到又平又好嘅嘢咩？而你就即時出嚟講樓上果位師兄個價錢唔啱，我仲以為你係代理添

hibabe

I like it.  Cost a lot cheap than HB Cable.  But I wish the top section doesn't "edge out"
source:dagogo.com

stephen_brother

師兄，反而想知最入門的RCA是那一條？謝謝

leoking

ke1 發表於 2014-9-13 23:24
我諗傍人睇到都會覺得奇怪，點解用家會咁緊張個售價呢？如果真係有人買得平咗又有咩問題？在於用家立場唔 ...

一哥

呢啲情形見怪不怪， 代理加價、 眾人拍手稱慶都見過啦！然而、小弟相信oteloj 唔係打手，從觀察所得、打手睇到啲唔合脾胃嘢時，通常都花一排時間先去請示，然後再作出一輪反擊！

ke1

leoking 發表於 2014-9-13 23:49
一哥

呢啲情形見怪不怪， 代理加價、 眾人拍手稱慶都見過啦！然而、小弟相信oteloj 唔係打手，從觀察所 ...

kingsir，我就係覺得唔對路先口痕講兩句，依家明晒囉