好快就第二集既鎗王嘆世界,
去完凌智, 今次去聽咩舖頭, 咩喇叭呢? 望住自己套ARC, 自不然就諗起美國膽機另一牌子, VTL. 所以今次就打比德哥, 阻佢一個下午, 比我聽下VTL夾ROCKPORT係咩聲音.
由於當日搵唔到人陪我, 所以我一條友就上去左德哥舖頭.
去到德哥舖頭, 慣例我當然係直衝入最大既HIFI房.
德哥當然已經坐左喺度等緊我依個攪攪震, 無幫襯既SO CALL餅主啦.
大家打個招呼就入正題, 開機聽歌前, 德哥就介紹一下今次測聽的器材,
Calyx Femto DAC
Bluesmoke 32/382 Digital Output
VTL TL7 5III
VTL SIegfried II
咁大對ROCKPORT ARRAKIS , 我諗我地依D打工仔只可在HIFI SHOW果時先聽到. 估唔到今次我可以自己一個人獨享這對巨無霸. 太幸福了.
開始的時侯, 我諗住德哥會安排我聽部鑽油台, 點知只見德哥行去部macbook度, 之後就同我講, 初次見面, 比隻譚詠麟比你聽下.
原來德哥係比我聽CAS, 聽左一分鐘左右, 我走埋去部MACBOOK度, 睇清楚係咪有部CD機喺度PLAY緊.
麟伯的喉底聲, 樂器的連貫性, 好得不能再好! 甚至乎可以大膽講係我聽過既最頂級CAS! 
我用我淫邪既眼光望住德哥, 佢先同我講, 依隻碟依首歌都未正式推出, 現只在作最後混音, 所以我未聽過依首歌一D都唔出奇. 依個時侯, 德哥再比多首林子祥新歌比我聽.
聽完兩首歌, 我忍唔住咁同德哥講, 這兩首CAS, 係我聽過咁多套CAS裡面, 最有感情, 最有感染力的一次.
以我對CAS既認知, 要做到頂級音效一D都唔難, 難就難在, 分析力與感染力並重依吓先最嚇人. 當然, 德哥做緊既FILE, 一定係最ORIGINAL最靚聲的版本, 加上BLUE SMOKE既轉換. 當然唔少得就係套VTL老頂前後級BI-MONO咁推對大ROCKPORT ARRAKIS. 要感情有感情, 講到音效, 德哥再去本MACBOOK度簡左第二首歌Gold Stereo and Surround sound set-up disc - Track 22 General Image and Resolution Test from The Best of Chesky jazz and More Audiophile Tests Volume 2比我聽.
真係好毒, ROCKPORT ARRAKIS加埋力大無窮的VTL後級. 又再一次把我嚇到. 果首歌基本上唔可以稱之為一首歌, 只係試音效.
喺開聲之前, 德哥好認真咁叫我今次要閉起雙眼聽.
當我閉起雙眼, 聽到一個好大好既空間, 左右牆的[氣], 每邊起碼已穿牆5尺以上.
跟住我聽到有個人楂住支竹桿喺好遠既地方, 一路行, 一路拍打果支竹桿, 閉起雙眼的音場深度, 起碼超越30尺. 當行到離皇帝位10-15尺位置, 就在我前面一路拍打竹桿, 一路圍圈行. (去到依度, 我都未覺得有咩驚喜). 當佢轉左兩三個圈後, 佢突然行去皇帝位既後面, 由左至右咁又行左兩圈.
大家可以想像, 你屋企用套AV系統, 都要安裝兩至六隻後置喇叭做SOUND EFFECT. 但依家我所聽到喺皇帝位後面轉出黎的聲音結像, 比好多AV系統更結實, 更聚焦. 好恐怖, 兩聲道既包圍感, 音效可以去到咁真實. 我都係第一次聽.
之後再聽多兩首古典就聽完今次既CAS之旅. 出到出面房, 原來出面都有D比較親民既器材喇叭.
除左VTL夾ROCKPORT外, 我仲見到一對我發夢都好想試既膽後級WAVESTREAM V8.
話說點解我咁想試V8? 咪就係因為依個VIDEO囉.
但因為初次與德哥見面, 硬係有小小怕羞, 所以未有開聲借機. 哈哈.
坐低同德哥吹多兩句, 先發現牆上放左好多由德哥MASTERING既發燒CD.
門口更有D比較入門既器材. 好似有...
其實我想聽晒佢咁多套器材先走, 不過當日德哥要準備定 - [大減價]的事項 (依家HIFI德既聖誕優惠已經開始, 你地快D上去睇下有無筍野啦), 所以我都唔敢阻佢太耐.
臨走既時侯, 德哥仲叫我下次帶多幾個網友上黎聽耐D...哈哈. 你地發達啦. HIENDY既元老們, 你地有無興趣一齊上去聽下對老頂ROCKPORT先?
HIFI德 -
地址 : 香港中環砵典乍街 10 號 14 樓全層
電話 : (852) 2889 8876
|
IP卡
狗仔卡
發表於 2014-12-15 14:41:05
提升卡
置頂卡
沉默卡
喧囂卡
變色卡
顯身卡
發表於 2014-12-15 15:08:45
叫肥黃啱D喎！
