由我玩ARC開始, 就係因為ARC官網既一段文字, 令我愛上了SHUNYATA這品牌.
http://www.hiendy.com/hififorum/ ... ht=audio%2Bresearch
由第一條蛇王到依家, 我對SHUNYATA這品牌越用越多, 好多網友/行家都問過我一個問題 : SHUNYATA有咩野可以吸引到你咁專一?!
喺依個POST, 我諗我絶對有需要再放下毒先得 ! 
外國HIFI品牌, 玩電玩得最出名既, 來來去去得三四間, SHUNYATA這品牌絕對係其中之一. 我由ZITRON開始愛上這品牌, 原因不外乎四個大字 - 價廉物美. 神級電源線我試過唔小, 但大都超過四萬, 對於我依D一般既打工仔, 自問無力負擔.
SHUNYAYA這品牌, 在售價上既定位, 最新款既老頂都係兩萬幾. 好似今次這REPORT既主角- SIGMA DIGITAL(下稱"SD"), 實價$19,800. 這價錢比ZITRON ANACONDA (下稱"ZA")仲要平兩,三千.
雖然有人話SHUNYATA出產品週期太短, 成日出新款, 二手價不穩定. 但我又唔覺喎, 你睇下二手市場依家一條ANACONDA CX賣緊幾多錢? 承接力如何？ 你就會知道SHUNYATA的二手價係絕對硬淨.
佢除左價位上有絕對優勢外, SHUNYATA既自家味道, 對任何品牌器材既百搭性格, 亦係我對佢鍾意既其中之一原因.
咁佢既自家味道係咩? 對於好多初階玩家, 好多時佢地都會有個疑問: 我想UPGRADE電源線, 當然想全頻都可以提升啦.
咁我多數都會建議用SHUNYATA, 因為蛇王的自家味道就係全頻平均提升質感, 增強連貫性及背景寧靜. 就這三大要點, 正正就係好多HIFI友夢寐以求的提升. 所以想upgrade電源線, 從而得到全面提升音質音樂感. 我暫時都會推介shunyata. 直至我搵到另一牌子的性價比更高.
好肋, 講番正題, 新的SD PC究竟有幾大進步? 佢同ZA既分別又係邊度? 佢比ALPHA DIGITAL又進步幾多呢?
一直以黎, 如果你地睇番我之前寫SHUNYATA既REPORT, 都發覺我最鍾意用SHUNYATA插POWER AMP / 拖板等等大電流器材.
直至ZITRON系列推出, 插埋前級都有很好表現. 但說到SOURCE, 我硬係覺得會有更多更好的選擇.
簡單黎講, 就以ZA黎睇, 兩年前我地HIENDY舉辦過PC盲測, 當時測試的器材是CDP, 最終最多人喜歡雖然係ZA, 但我都講左好多次, 甚至乎廠方官方網站都寫得好清楚, ZA的最佳位置應在後級/電處等等器材.
咁ZA插SOURCE係咪真係唔得先?! 咁當然唔係啦, 如果唔得, 當日既盲測就唔會係最多人喜歡的PC啦.
我既意思只係話, ZA插後級的表現比插CDP更明顯.
大半年前, SHUNYATA終於出左條專門對應數碼訊源的ALPHA DIGITAL. 當時我既期望係, 佢可以同條ZA插數碼訊源一樣表現, 咁就發達啦.
但邊有咁大隻蛤蜊隨街跳呀, ALPHA DIGITAL以不足一萬蚊的街價, 以價論貨, 佢的確係超值之選, 但佢既表現仲未可以接近ZA, 這亦都係一個事實.
直到最近, 一條剛到香港就比我拎左返屋企既SIGMA DIGITAL PC, 一個全新設計的黑喼,
設計比之前的PIZZA盒精美得多. 而SD的插頭更使用全新自家設計的插頭, 每條的SERIAL NUMBER都刻在插頭上!
我今次分享係我既聽感, 至於佢既新技術, 大家可以到下列網址睇睇.
http://shunyata.com/our-products ... #!sigma_casedetail1
新電源電就煲練是比較麻煩, 不過我都想試下新線插機後的聽感如何, 所以回家一插落我部ARC CD8,
比較起我條PYTHON CX, 全面提升實在太多. 雖然我對ZA已賣, 但以我記憶, 單論HIFI元素, SD一定可以贏ZA好多. 所以當下我就拎住條SD週圍去用緊ZA用家家訪, 希望可以確實咁A/B比較到SD與ZA既分別, 同場仲有機會比較埋其他廠的30K+的PC.
測試既器材當然全部都係插喺數碼訊源啦, 無論係CDT, CDP, DAC, 我都插過. 比較過. 得出既結論係 - SD以大比數抛離ZA. 無論係音場大小, 深闊, 分隔度, 當中尤以全頻線條最為明顯. 另外一提, 就係SD比到我一種"多股銀線"的甜味. 果份甜味唔太濃, 你可以話佢係清甜.
咁用緊ZA既用家又唔駛咁失望, 我講既係"大比數", 並唔係"全部. ZA在力量感, 中低至超低頻的厚度, 都比SD優勝. 而人聲小提琴的中頻方面, 有ZA用家會覺得SD少了點中頻的厚度/濕潤感. 所以ZA的用家可以跟據自己的口味而決定更換SD與否.
如以數碼訊源來說, SD比過住任何一代的SHUNYATA PC更強, 果種強度係 - 聽完一首歌已可以作出結論那種程度.
如果你問我得一條SD, 我會鍾意插CDT / CDP / DAC? 我會選擇DAC, 當然如果CDT都插埋SD會更好啦. 哈哈.
以我所知, HIENDY已有多位SD用家了, 大家都黎分享一下你地既聽感啦.
實價: $19,800
代理: 聲望音響
電話: 2130 1928
|
IP卡
狗仔卡
發表於 2014-12-27 13:08:02
提升卡
置頂卡
沉默卡
喧囂卡
變色卡
顯身卡
發表於 2014-12-27 13:21:23
