自從成為HIENDY一份子之後,真係使多咗唔少錢,玩AV由合併機加套裝喇叭,再加多幾舊水一隻十仔組成所謂既家庭影院,到依家前後級、皮幾野一隻十仔、投影機再加埋120吋投影幕,真係愈玩愈泥足深陷... ,一條3K既HDMI頭也不回就購入,食都無咁捨得。近日,無啦啦戚起條兩聲道癮,買咗兩隻加埋成千蚊既黑膠,一個K幾既唱頭,加個垃圾MM放大,諗住用埋部AV AMP聽吓都應該唔成問題,點知完全入唔到耳.. ,雖然我對兩聲道既要求唔高,不過AV AMP始終係AV AMP,播出嚟就係AV聲... 把心一橫,不如整部平平地既兩聲道AMP,最後由版主ICEMAN引薦之下向輝煌東哥借咗部Luxman L-350AII試吓,心諗得果20W得唔得架... 點知竟然可以令我對死氣沉沉既REVEL M20活潑起嚟,當然唔係靚聲果隻,但起碼人聲甜番好多,定位亦似番D樣,音場仲撐大咗唔少添... 雖然只係入門AMP,仍然拋離部CARY AV AMP唔少。至於力水,因為我會用佢by-pass睇戲,所以亦係幾重要既一環,好彩 !重新設定一次之後,左右聲道都只係略加一個db就平衡到其他聲道,實試爆機時音場更加撐闊咗唔少添... ,我對呢部Luxman L-350AII非常滿意,所以又.......... 誠意推介俾初入門既師兄...
馬年最後一入
箱中箱再加袋袋,足夠保護
入門AMP嚟講,搖控算係對得起用家
PHONO係必需既,因為我有好多舊膠膠
By-pass就啱哂我呢類AV友
巴能匙輸入暫時用唔著,不過我怕好快就會忍唔住入部CD機玩埋佢
喇叭插座當然唔會係高級用料果隻啦
金工都算唔錯呢
上架LU
新機唔好聲就必然呢,不過都用幾隻碟試試佢先
最痛苦既煲機期開始了.....
本文純熟小弟新手既不專業報告,唔啱睇唔好打頭... |