一部令我一試已想擁有的電源處理器.
話說我近半年試左好多五萬內的電源處理器, 好似我最愛既SHUNYATA, 另一就是ISOTEK的全新系列EVO3.
記得我對上一篇既電處分享已經係上年八月份了.
每部都有令我中毒的因素, 但可惜自己個銀包唔爭氣...
事隔大半年, 另一部英國品牌ISOL-8 SUBSTATION INTEGRA (以下簡稱SI) 進駐我家.
我的REPORT不嬲都唔會介紹太多廠方資料, 有興趣既網友可以到 --> http://www.isol-8.co.uk/index.html 睇睇.
ISOL-8 SUBSTATION INTEGRA包裝沒有太多花巧, 基本的一個紙盒加兩件發泡膠. 開箱後更發覺這SI沒有跟機線. 哈哈. 有性格!
拎起部機, 又唔係太重喎! 喺佢地網站寫這部SI只有9.9Kg. 這沒有我想像般重. 睇佢既外觀其實都係好簡約. 不過金功造得唔錯, 實實淨, 邊位順滑. 面版使用一塊10mm拉絲合金前面板. 中間一粒細細既白光LED作點綴裝飾.
由於佢既銀色鋁殼好襯我套ARC & BRYSTON, 所以我一開始就將部5se搬到中間, 將部SI放喺最頂層. 當然, SYMPOSIUM SEGUE墊板亦大派用場, 每次影PRODUCT, 有塊SEGUE墊底, 的確能令主體更SHARP更有時代感. (我之前試過將部SI放番喺SOLIDSTEEL板上, 全頻線條即刻濛左. 中頻仲要乾左添. 所以立即將部SI放番上SEGUE)
先睇睇我部新儍瓜機RICOH的相片先.
當部SI放好上SEGUE板後, 諗住拎條SHUNYATA VEMON HC出黎插電, 先發覺原來部SI的電源輸入是使用一個20A Neutrik鎖定插頭.
頂... 諗住立即打比代理叫佢送多條20A NEUTRIK頭既PC比我的時侯, 我發覺代理原來已經跟埋一袋電源電比我測試. 當中包括.
一粒代理自己DIY的20A轉插
一條STEALTH STRAIGHT PC (上網睇番資料, 這條STRAIGHT只合適插細電流器材, 不過既然代理都拎埋比我, 我當然要試下條STRAIGHT插ISOL-8啦)
仲有條代理使用GIGAWATT 入牆用的LCY線芯DIY的20A NEUTRIK頭電源線.
順便講埋這部SI的背部有三組不同顏色的ABL插 (特別版專有藍色插座)
灰色的兩個是HIGH CURRENT, 專比後級使用.
黑色ABL插是供電給細電流器材使用, 而ABL插入使用純銅插座. 取其音質音色純厚直接.
仲有兩個藍色ABL插座一樣係供電給細電流器材使用, 佢同黑色的分別在於ABL內使用了鍍銠白金插座. 使聲音在高頻上更見華麗.
上番佢地個網見到SUBSTATION INTEGRA本身跟機只得黑色純銅及兩個灰色插座. 打電話問番代理得知這對藍色鍍銠白金的插座是代理為個別客人的特別要求而改動. 就好似之前THOMAS個P10 POST一樣. 唔同既只係ISOL-8代理會因應客人需要而提供升級插座服務.
人總是貪心的, 當我知道藍色插座係鍍左銠白金, 所以我就將我的CD8與REF.5se插入藍色插座入, 而一對BRYSTON 就插在灰色插座.
第一條當然係我用開既SHUNYATA VEMON HC加上代理既DIY轉插. 講真, 未駁之前我已打定輸數. 因為以我既經驗, 使用轉插後, 其表現會大打折扣, 個分別起碼30%以上. 不過既然代理都跟埋這轉插, 我就即管試試這部SI與我用開的PS8相差幾遠先.
拎番我最近聽開的CD出黎, 聽第一首古典, 小提琴的琴絃音質實淨了很多. 背景更黑. 令線條更明確. 最正係對於中低頻的實淨度遠超我估計, 有力左好多好多, 就好似部POWER AMP升了一級一樣.
這提升是我意料到不到, 因為用轉插本應更衰聲, 但依家只係更用條VEMON HC + 轉插, 改善之大的確喜出望外. 急不及代. 熜晒所有器材, 將借電電源線轉為STEALTH STRAIGHT PC. 重新開機. 喺等套機WARM UP期間, 我心諗以STRAIGHT 的價位比VEMON貴咁多, 應該會更有驚喜.
但可惜我今次又估錯. 換上STRAIGHT後, 只係高至超高頻幼細左少少, 分隔度好少少吧. 不過力度好像弱了很多.
這不免令我覺得這STRAIGHT真係唔適合插大電流器材, 等我下個報告就試寫這條STRAIGHT插CDP的威力吧). 所以我立即棄用換插, 換上一條代理DIY的原裝20A GIGAWATT LCY NEUTRIK 頭電源線. 聽左三首古典, 有小提琴, 有大棚交響樂. 得出結論係這部SUBSTATION對電源線並不是太敏感於供電電源線. 因為當我換左條20A GIGAWATT後, 力水只係更多好左少少. 果份少少是要ABA才可以確定.
試完三條PC, 我得出的結論係ISOL-8這部SI對供電電源線真係並沒有太大要求. 各用家只需使用一條夠力又唔粗聲的電源線已足夠發揮SI的所有實力. 聽聞ISOL-8廠方亦有原裝20A NEUTRIK頭電源線, 名叫ISOLINK 20. 售價大約一千蚊. 絕對便宜. 在 此建議如果有興趣ISOL-8 SI的準用家, 記得向代理訂購埋原廠ISOLINK 20電源線.
測試完供電電源線, 就要試埋SI的其他功能. 首先我將部ARC REF5 se前級由藍色鍍銠白金插座轉為插入黑色純銅插座. 這行為不單沒有減少高至超高的伸延. 在中至中底頻的厚度更有著明顯提升. 最終我套機在SI的插法是CD8插藍色, REF 5se插黑色, 一對BRYSTON 7B就插灰色.
值得一提是我家一直有使用SINE電壓錶SINE PRECISION AC VOLTAGE METER. 之前一直將個電壓錶插喺SHUNYATA的PS8, 電壓一直KEEP住215-218間. 但當我將這 SINE PRECISION AC VOLTAGE METER插入SI的黑色插座後, 電壓長期顯示224-225間, 十分穩定. 這令我相信電壓對於音響的力度與穩定度有著很大影響.
仲有就係SI背後入電位隔離, 有個GROUND位, 可以接駁地盒. 我就將這個地位接駁到GURU金字塔. 接駁後的確可以提升空氣感, 音場闊度, 以及少許微動態.
就這樣, 這組合就一直在我家接駁我套ARC+BRYSTON了. 當越聽越多歌曲後, 發覺這SI的確令我套機在音樂連貫性提升最多. 其次係每粒音的質感. 好硬淨. 線條好靚. 中頻的水份亦得到明顯提升. 連屏風最弱的中低頻衝刺力都得到強勁提升.
令次真的奶野了...年頭出左花紅開始身痕, 仲要試中這部SI咁夾我套機. 而價錢又係我的射程範圍.
所以上星期我已決定入手這部ISOL-8 SUBSTATION INTEGRA. 依家等緊代理幫我訂緊條ISOLINK 20就可以安心咁進行2016第二步升級計劃 - 黑膠之道!
代理 - AUDIOLINK
普通版SUBSTATION INTEGRA實價 - $24,000,
至於升級插座就$1000一個位, (我自己就叫左代理幫我換埋兩個純銅插座轉為鍍金插座)
http://www.hiendy.com/hififorum/ ... id=91909&extra= |
IP卡
狗仔卡
發表於 2016-1-25 22:19:20
提升卡
置頂卡
沉默卡
喧囂卡
變色卡
顯身卡
發表於 2016-1-25 22:45:08
其實你有沒有看完全文？
