當Ｂ仔遇上小証據(上)

eds60

請睇以下两篇再繼續睇本篇。

預告: 今年我會出一些家訪温哥華發燒友報告
http://www.hiendy.com/hififorum/ ... hread&tid=92950
(出處: Hiendy.com 影音俱樂部)

家訪前先透露多少少 (Post#19 add photos)
http://www.hiendy.com/hififorum/ ... hread&tid=92969
(出處: Hiendy.com 影音俱樂部)

星期四晚我和朋友Ｔ君(分享我玩 Room acoustic 房間處理的經驗(續篇), 朋友的房)那位。 他曾3次到訪 leslie611兄家。 聽過 Sapphire 、 C4 signature 和 Evidence Temptation。 不過己是兩年以上的事了。 現在線材改變了, 加入多一部911。 我們９點半到達, 聽了接近兩個鐘。 然後傾了一會，接近12點才離開。 非常多謝 leslie611兄招待。 和要向他的家人說聲不好意思， 咁夜仲打攪她們。
                                                               
這次的測試報告如下。

巧靚聲! 我除了講羨慕, 我仲可以講什麼。

全文完。 多謝收看。





多謝各位師兄問候我。 講下笑啫。

本文會分上、下兩篇。 下篇會提到 1)何方神聖取代 Odin。2)拆除擴散板有何不同。 3)地盒玩法，接線眾多，如何接法。 4部機居然用多達18條 Valhalla 和 Valhalla 2 地線！

喇叭擺位， 兩隻相距９７寸, 到皇帝位９７寸, 形成等邊三角形。 Evidence Temptation 太高了， 讓我感覺好似坐得好近。 喇叭面離後面那幅矮牆足足有7尺(睇落去完全唔似有7尺距離)。 牆後的 Open kitchen 有十幾尺深。

911 係 stereo 後級， 現在用接線接成 mono。 寄回廠改成 mono 費用9千加元一部.一對收費約9萬港元。 現用 Burmester 特別接線接成 mono。 此接線 $2500US。 我們試聽時是用代理暫借身價高達9千加元(約4萬5港元) 的 Vetere-R 接線。

Burmester 特別接線


由 Sapphire 開始已用 Nordost Sort 。 換C4 signature 仍有用。 現在 Evidence Temptation 用原裝腳。 不用 Nordost 的原因是用在 C4 sig 時， 企得唔係好穩陣。 C4 sig 高、深和窄身。 Nordost 腳又高， 接觸點又細。 更高大的 Evidence Temptation 不宜用 Nordost。 Leslie611兄話原裝腳咬地能力好強。 底座上方四角有調校水平孔， 非常方便調校。







雖然此系統劇毒無比。 究竟我的百毒不侵之身有冇被破？ 答案係沒有。 此系統真係好靚聲， 音效亦一流。 我從來都覺得我部機衰聲， 現在一樣係咁衰聲。因為十年前一次機緣巧合的家訪。從此以後，我去過的家訪、音響店辧的 hifi show(請品牌代表來 set 機)。 全部都不外如是。從此不再家訪， 因為都唔會有任何吸引之處。 聽完 leslie611兄的系統， 使我有返想去家訪的衝動。 我沒法比較兩套機邊套較佳。 畢竟相差十年，聽的歌也有所不同。

eds60

是什麼糸統咁犀利，見相。 印象最深刻係聽頭版 Royal Ballet 和 大粒墨黑膠。

一來沒錢升級較好的器材。 就算有錢換了很貴的器材， 但間房唔掂。 跟本沒法發揮應有威力。對花錢換器材、線材, 我不感興趣(其實係窮)。 不如把錢用在軟件上算了， 求其有聲出未得囉。

eds60

聆聽時關了燈，只剩下一些旁邊的小燈。試聽都是聽 Burmester 內置 hard drive 的 file。leslie611兄的系統最讓我特別留意到是高頻。 高頻特出， 大家可能會想到 太響、太標、三頻不平均等形容詞。 這些形容詞絕對絕對不適用。 實情係三頻平均順滑。 何以高頻如此“突出” 吸引。 Dynaudio 的高音通透、細緻、能量強大。絕不會叫和響。 開大聲下全冇壓迫感。

聽 Dave Brubeck Time Out, 敲打套鼓的 cymbal 和 hi hat。清脆俐落丁丁聲. 好有金屬質感而沒有不舒服的金屬硬聲。 後面的 saxphone 好有能量感。 此套組合聽吹奏的銅管樂器如 saxphone 和 trumpet 有很強的能量感。 如果你有在現場較近距離聽過 trumpet. 你就明白能量如何強大(唔係只是大聲咁簡單)。 就算一支 trumpet 全力吹奏， 已差不多可蓋過9尺 Steinway 鋼琴。我可以講用 Evidence Temptation 聽 trumpet 有接近現場的能量感。但唔似聽現場，因比現場靚聲， 有少少磨滑了，少了一點粗糙感。


Reference Recordings, Nojima plays Liszt 高清file
La campella 此首有快和密集彈奏的段落。 Evidence Temptation 可令我每一粒音都聽得清清楚楚。 鋼琴的大動態亦可表現出來。

如果未聽過此曲的可看以下兩個 video。一個 video 是 Nojima。 另一個 video 是李雲迪。 不是用來比較誰彈得好，而是讓大家看手指需要彈多快。 十幾年前李雲迪剛出 Liszt CD 時。 他來温哥華開音樂會，我聽了他彈此曲目。





此碟我未有聽過。 每邊4隻6寸半低音單元再配合兩部 911。 快速、乾淨。快放快收沒有拖住條尾巴。鼓聲相當震撼， 低音撞擊力厲害， 而完全沒有令人有任何壓迫感。 對 Evidence Temptation 好像豪不費力， 仲有大把本錢在手。其實音量已相當大。 動態對比一流。


我特別選了黑教堂第6首 Frojda Dig, Du Kristi Brud 考驗下 Evidence Temptation 的超低頻。 低音單元雖然多，但只有6寸半咁細隻。你可能會覺得女聲獨唱考超低音， 我係咪中毒上腦 short 咗。如果你所用的喇叭只有細口徑低音單元和聲箱不大。 我相信你冇法聽到(留意到) 有不屬於音樂的超低頻存在錄音裏。 約在55秒時在右邊喇叭前少少的右上方會發出類似有大型貨車停在屋外由引擎(死氣喉) 所發出極微弱的低頻聲響。 我估應該不是 Organ 聲，因全首是清唱。 之後斷斷續續仍可聽到。 可能是錄音時錄到教堂外的噪音。 Evidence Temptation 讓我聽得相當清楚。 足證他的下潛力非同小可。



聽 Hugh Masekela，  仿如歌者站在我的左前方8尺距離。 喇叭後方彷如一個大舞台。 聲音之真實， 使我吃驚。


挪亞方舟， 喇叭後方深二十幾尺的空間完全被 Evidence Temptation 填得滿滿的。 非常正！


其實聽了很多不同的歌，詳見相片。仲有兩張蔡琴和 Radka Toneff 的 Fairy tale。







此系統無論音色、音效、音場和真實感都非常出色。 對喇叭雖然高大，但聽音樂時像隱了形一樣。是否不存在弱點？ 我發覺有一樣是此系統較弱的，而這正是我套機的最強項。 我以前曾聽T君和另外兩位發燒友講過 leslie611兄的組合能發出 pinpoint 的定位。 我對此點抱有好大期望，因我暫時未聽過一套機比我的更 pinpoint(可能係我見識少未遇過， 不過我套機好 pinpoint 但係好衰聲)。我一聽為何人人話 pinpoint, 點解咁嘅。 在聽完歌後，T君提起沒上次聽的 pinpoint 效果。leslie611兄話因拆了前方有前擴散後吸音功能的 Primacoustic 有關。 他寧願犧牲追求 pinpoint 效果而獲取整體上的大改善(詳情會在“下篇”解釋)。 leslie611兄指出此糸統現在令他沉醉於音樂中，不再追求音效。 我完全認同 leslie611兄的講法。 當我發覺不夠 pinpoint 時，只有留心聽歌。 只聽了幾十秒已被樂聲所吸引，沉醉在樂聲中。真係快樂不知時日過，轉眼已聽了接近兩個鐘。

剛换入Evidence Temptation 只有3個月， 我相信仍未完全煲熟。 將來究竟會靚聲到何境界，我都想知。

請繼續收看“下篇”。希望十日八日後出到啦。 連出3篇，已好很累。

Leslie8

空間一流，樓底高，音場應該是無敵了

eds60

Leslie8 發表於 2016-2-21 11:11
空間一流，樓底高，音場應該是無敵了

兩套的音場都好厲害，第二套的聽音環境大和高好多。

Leslie8

60兄嘅家訪報告好正
希望陸續有尼！ 希望日後可以見到更多溫哥華嘅發消友

Kelvin11

A門兄寫得很好！我還是繼續退隱好了

eds60

Kelvin11 發表於 2016-2-21 11:41
A門兄寫得很好！我還是繼續退隱好了

寫完今次應該無以為繼。

Kelvin11

eds60 發表於 2016-2-21 11:55
寫完今次應該冇以為繼。

唔會嘅！

Joehappy

Wa Thank you for sharing
Part 2 please

eds60

Joehappy 發表於 2016-2-21 12:05
Wa Thank you for sharing
Part 2 please

ConstantK

寫得非常生動，多謝分享。

eds60

ConstantK 發表於 2016-2-21 12:14
寫得非常生動，多謝分享。

我的中文水平有限。寫得較口語化。

bigpun1975

eds60 發表於 2016-2-21 12:27
我的中文水平有限。寫得較口語化。

咁先好睇

eds60

bigpun1975 發表於 2016-2-21 13:10
咁先好睇

ccli1996

用4隻6吋半低音單元嘅Dyna白金証據，小弟應該都曾經在音響技術試音室領教過其威力(都係Hiendy搞嘅活動)，啲低音快而準，亦可潛得深，未唔係親耳聽過都唔係幾信6吋半低音元，係可以出到咁嘅低音，當時還有試埋聽玻璃CD，人聲嘅真實感程度及精準定位，真係靚到「嚇親人」，歌手好似係你面前唱一樣，超正

eds60

ccli1996 發表於 2016-2-21 13:16
用4隻6吋半低音單元嘅Dyna白金証據，小弟應該都曾經在音響技術試音室領教過其威力(都係Hiendy搞嘅活動)，啲 ...

完全同意。

racewong

eds60 發表於 2016-2-21 12:27
我的中文水平有限。寫得較口語化。

咁先係香港人既報告丫嘛! 讚

rocmanb

多謝分享

iwantbd

Kelvin11 發表於 2016-2-21 11:41
A門兄寫得很好！我還是繼續退隱好了

你咪……咋咋帝帝！

香港…………仍很需要你呀！