尋找喇叭線有感

smallbean

新年過後, 由於小弟身痕, 加上年尾花紅, 所以想換下喇叭線

在論壇上見到條喇叭線都評價唔錯, 該牌子中價型號又係射程範圍之內(約HKD4xxxx), 於是就到訪左代理同舖頭想試聲, 點知有以下經歷

代理:
沒有類似小弟的組合聲底, 而且線材只有頂級(約十幾萬)有駁做demo, 所以好難作準

舖頭:
有類似小弟的組合, 但心儀牌子線材只有新線, 只賣不試

小弟亦都有問代理及舖頭, 能否借出demo線一日俾小弟在家試清楚(可以俾全數當訂金), 但都被拒絕, 稱從不會有借線安排

小弟只係打工仔一名, 大拿拿幾萬銀, 要我係冇得試既情況下買返去搏, 小弟真係唔敢(之前機同喇叭有幸都係同一間舖試哂先買), 當然我都明白借線出去始終有風險, 但逆地而處, 買家又何嘗唔係冒緊呢個風險呢?

另外小弟都有啲唔明點解呢度既報告都係由代理借線而寫, 但去返同一代理又稱從不會有借線安排?

純粹發下嘮叨, 不喜勿插

Wing1238

E個問題好復雜，你試下pm寫報告既ching可否幫你借。
不過如果代理咁既態度我就會轉牌子或者買2手

mahi

買得４萬幾買線照計好難無服務播？你套機都應該好頂級吓。

wilmerworkshop

Report 唔一定係代理借，代理借唔借亦唔關你買幾錢野嘅事

我有部分野可以比 deposit 借，但係我只可以借出一件，冇理由開幾件 demo，否則一係打大晒個 cost，最後轉嫁返你地身上；一係一舖都係 used，筍比你都驚，唔會買得舒服，結果係要借嘅人要排隊，咁就係一直外借，冇得 demo，唔洗 home audition 果 d 客反而 missed 晒，因為冇 Demo；借開左，大把人排隊借，就係貪免費玩，結果買嘅人 10% 都冇。。。仲有人真係夠膽還野果吓，問佢意見，居然話：「冇呀！有得借咪玩吓囉！玩過咪還囉！」

我都考慮緊停止 home audition，因為真係得個搞字，唔好以為平野先係咁，萬萬聲一様！所以唔借野，但係態度冇問題，都唔可以話冇 service，但係唔借又寸寸貢態度差呢！？咁就真係冇 service 啦！

mufans

有得借又被濫用，冇得借黎試又唔敢買（尤其過萬個啲），會唔會收番借用費會對準買家同店方都好呢！？

henrykee

我建議大家唔玩hifi咁咪唔使比hifi玩囉

Wing1238

其實好似賣樓睇樓咁，你唔俾人睇既話就難d賣得出，但你預左好多人運吉

里克1

我覺得現場有得試係基本要求啫. 咁都冇咪唔好買囉. 器材唔同有幾大影响係個客自己衡量啦.

ThomasLi@FB

這間代理唔借 Demo 線，仲有好多其他牌子和代理選擇。自由市場，客人和代理都有自主權去做買賣。

mahi

想去到邊都有線借，一係就做大戶，二就營做自己成為網上opinion leader，唔係就只有識多d志同道合law

racewong

mahi 發表於 2016-2-26 17:49
想去到邊都有線借，一係就做大戶，二就營做自己成為網上opinion leader，唔係就只有識多d志同道合law ...

我有好多野都借唔到返黎試

yhyueng

racewong 發表於 2016-2-26 17:55
我有好多野都借唔到返黎試

板主都借唔到？

bcychung

在外國，很多商店都願意借出器材。
但在香港不太流行。除非你同佢買左很多野，係熟客又可能唔同。

每個在香港玩 HIFI 嘅師兄，都應該試過，被 HIFI 舖職員的不善對待。
我亦曾經被不禮貌的SALES哥哥打發走。
但亦有好多非常有心機，慢慢介紹的職員。總之，人夾人緣啦。

smalltiger

bcychung 發表於 2016-2-26 19:13
在外國，很多商店都願意借出器材。
但在香港不太流行。除非你同佢買左很多野，係熟客又可能唔同。

szekt

每個地區文化差異與經營生態不同。就如威馬所言，邊個最後損失?

smalltiger

racewong 發表於 2016-2-26 17:55
我有好多野都借唔到返黎試

wilmerworkshop

mufans 發表於 2016-2-26 13:57
有得借又被濫用，冇得借黎試又唔敢買（尤其過萬個啲），會唔會收番借用費會對準買家同店方都好呢！？ ...

收得幾多？收少不如唔收，收多又隨時比人話黑店，兩難架！

wilmerworkshop

bcychung 發表於 2016-2-26 19:13
在外國，很多商店都願意借出器材。
但在香港不太流行。除非你同佢買左很多野，係熟客又可能唔同。

外國本來就有 money back guarantee，借 demo 反而仲少風險，唔洗開新貨，而且鬼佬買野冇咁奄尖，夠平又比返 service 的話，demo 都接受，同一套香港真係唔 work

wilmerworkshop

Wing1238 發表於 2016-2-26 15:43
其實好似賣樓睇樓咁，你唔俾人睇既話就難d賣得出，但你預左好多人運吉

運吉唔緊要，但係睇完樓要試住幾日，還果陣一屋垃圾厠所又唔冲，咁又點睇呢？

我試果借喇叭線，條茂利玩到甩左隻 WBT 叉唔見埋，然後可以話我應該預左，仲教我 demo 應該焊死，唔洗理咩冷焊用夾嘅好聲 d。。。 咁可以點？拉閘打佢！？

wilmerworkshop

btw, WTB 點焊呢！？