身痕, 無藥可醫. 唯有散盡家財, 方可止痕. 大家發燒友當然知道身痕有幾痛苦.
睇番我部ISOL-8 Integra, 不經不覺已經用左大半年. 喺我初入手INTEGRA的時侯, 我全套機都插晒入去, 當然包括我對BRYSTON MONO BLOCK啦.
但自從玩左黑膠後, 發覺INTEGRA只得六個位唔夠我插. 所以我就將一對BRYSTON插番入牆身, 再使用一條SHUNYATA PS8拖板喺部INTEGRA後面既HIGH CURRENT插位取電. 當對Bryston插番上牆蘇後, 大動態強左少少, 但換來的負面反應是微動態與線條明顯不及插喺ISOL8。
不過都無計啦, 鬼叫自己越玩越多器材咩。
唯有考慮入多部ISOL-8 HC, 或是 LC。
我將我個case問左代理的意見, 佢話對Bryston繼續插牆身, 將部Integra換LC, 再加埋你個拖板, 應該會有更好表現。
但這很明顯就是一個騙局, 用完個LC, 我知我一定會買埋HC...
不過既然代理有咁既建議, 我就叫佢SEND部LC比我比較下先啦.
話咁快代理第二日就送左部LC到我屋企, 包裝唔講啦, 都係同INTEGRA一樣兩個紙盒, 原廠一樣都係無電源線跟機.
(好在代理今次跟左條七芯20A 電源線比我試試),
機背的插位就少左兩個, 依部LC只得四個插,
咁即係我只可插CDP, PHONO及前級, 最後一個位就插埋個PS8拖板.
另一樣要提就係INTEGRA無開關掣, 反而這部LC在機背有個開關掣.
有新機試, 我當然立即甩線換機啦, 部LC同INTEGRA個樣一模一樣, 換左機我老闆都唔知, 哈哈.
初測~
將條ISOLINK20插入LC後, 今次測試我搵左KRALL姐的THE GIRL IN THE OTHER ROOM, 落針聽左兩首歌, 聽感上KRALL的喉底聲厚度增加了, 感情豐富. 意即在中頻的微動態提升了很多.
再聽多幾首, 發覺現場感與分析力都有明顯提升. 音場闊度再闊多尺幾兩尺. 這明顯是超高的提升呢.
在低頻方面, LC的確比INTEGRA更有線條, 彈跳力.
OVERALL來說, LC的確高班, 如以數字來說, 我覺得LC比INTEGRA高左15-20%.
不過要A/B測試電處的確係比較麻煩, 尤其係電處的表現往往要等兩三日, 等佢RUN順左先出到應有功力.
部LC一開機已有超水準表現, 我當然唔會咁快換番部INTEGRA啦, 死人都要試埋代理跟比我果條七芯電源線. 未試條七芯線前, 以我過往玩INTEGRA的經驗, 佢對電源線並不敏感, 所以我都唔會有太大期望, 佢可以有咩表現比到我.
話時話, 當將條ISOLINK20換左七芯線後, 聽首KRALL姐把人聲的確係比我用開的ISOLINK20細緻, 包圍感再強多少少, 聽感就像告訴我我這條七芯線跟ISOL8 LC的配搭度更佳.
但問題來了, 之前試INTEGRA的時侯, 我用左四條電源線去測試部機對電源線的敏感度並不高, 點解依部LC會有咁大改變呢? 會唔會喺依部LC的設計只係比前端器材使用及精細, 所以對電源線的敏感度都提高了?! 
喺換線期間, 我仲發現另一個可能性, 就係依家的ISOL-8所使用的20A插頭只是Neutrik藍色插頭, 就算幾靚既電源線都最終都要經過這NEUTRIK頭先入機, 估計這接頭一定會打左好大折扣.
最終我同代理講, 依部LC的確比INTEGRA高班好多, 不過我開始唔鐘意ISOL-8用neutrik20A插頭, 如果佢可以叫廠造過批靚D既15A OR 20A IEC插的話, 我一定會升級到LC. 哈哈.
代理拍晒心口話一定會向廠方反映, 咁我唯有等佢好消息啦.
不過話分兩頭, 這NEUTRIK 20A版本的LC真係好堅, 如果你地好似我之前咁, 唔鐘意換/玩電源線的話, LC的話係最抵玩又有質素的電處.
代理: AUDIOLINK
實價: $30,000
http://www.hiendy.com/hififorum/ ... id=98294&extra=
|
IP卡
狗仔卡
發表於 2016-10-5 08:54:40
提升卡
置頂卡
沉默卡
喧囂卡
變色卡
顯身卡
發表於 2016-10-5 09:14:06
，重家住粉嶺
