一次耳機系統的小升級

kkkiu

伴隨我接近十年的耳機系統，就是這HD650+清華耳擴，耳擴的膽當然已經換過數次...現在是全清一色德律風根...

雖然我鐘意聽喇叭比較多，但深夜或小孩溫書時，耳機就是最重要的同伴  ，而且耳機有個比喇叭更優勝的地方就是不容易受外界影響，令你更容易投入音樂。

其實這耳機組合咁多年來我實在無乜投訴，所以一直都無攪過佢......反為喇叭果邊的線材就出出入入，人就係貪心，希望自己的系統樣樣都有.....而最近我就試左呢一條線....

這條其實是一位已經認識一段時間的同好所制作的線，其實我一直都知道佢有做線，但就總係未試過佢既作品...直到有一天佢同我講佢想創立自己既品牌...我二話不說，立即緊係要佢借D好野黎試下!!

此線的用料真係好重，線好重身，插頭又靚仔，絕對不似土炮野，我對於外觀其實頗講究，睇到我的喇叭都知，聽老友講，內裏係好粗既單支銅鍍銀線~~!!!好啦....講返點解借呢條線，其實呢~我最近是找合適的線材用於我的PHONO，其實已經試左好幾條，但都未好理想，我諗我需要既係比較偏頗通清的線~~~直到呢一條.........

呢條Wilson's Audio Lab Reference，我初初一插上就感覺到高價線特有的優點..."靜"，佢非常靜，就是人地話背景好黑，而三頻方面是平均走向，音色我覺得有點像neotech，但neotech是偏暖及側重中、低頻(由其sahara更覺此特點)，而此線三頻比sahara更平衡，分析力更好!!而其中令我好深刻的是中至中高部份，如鋼琴、結他的弦音的細節非常豐富，而高音比sahara更分明，但又不到analysis plus那種有機會"搶口"的感覺，調聲實在有下過心思~!!低音方面量感足，屬於控制力高，由其超低的控制合到好處。

然後大家會問，點解我會諗到插耳擴呢???無錯，呢條線重有一個特點，就係音場~!此線是能夠做到一個深長的音場，人聲及樂器在其應有的距離!! 我在喇叭系統，反覆試phono、cdp、前後級等得出的答案。唯一可惜的是...我喇叭系統的每個位置，都已經有一個不錯的平衡點，但我又諗...這線的各方面都很高性價比，所以...我都係乖乖比錢.....咁既然買左返黎，緊係唔可以浪費佢，我覺得佢應該會夾我的耳擴，就係咁啦....

而插在耳擴上，果然，靜、音場、還有HD650的低頻及分析力都大大提升~!!!而其中音場，佢是我用過的電源線中，能令耳機有像喇叭的定位~!!!我覺得各位有玩耳牛耳擴的都一定要試下~!!信源都頗適合，我試過我的CARY CDP都有非常好的效果!!

好....分享完畢，謝謝收看~

wuying908

師兄近來換線換不停

kkkiu

wuying908 發表於 2016-10-21 15:14
師兄近來換線換不停

邊夠你地班大哥換得快丫~~

試下d diy線，有時都有d驚喜~!!

wuying908

kkkiu 發表於 2016-10-21 15:37
邊夠你地班大哥換得快丫~~

試下d diy線，有時都有d驚喜~!!

師兄岩岩先入左voodoo老頂咁快又可以試新野,我仲儲緊錢食樹皮中   

kkkiu

wuying908 發表於 2016-10-21 15:42
師兄岩岩先入左voodoo老頂咁快又可以試新野,我仲儲緊錢食樹皮中

條老頂買左好耐啦，現在都只係試d 5k樓下線材頂下癮!

racewong

咁快手拎左依條電線返屋企玩?

kkkiu

racewong 發表於 2016-10-21 16:21
咁快手拎左依條電線返屋企玩?

已經科埋水喇....

wuying908

kkkiu 發表於 2016-10-21 15:44
條老頂買左好耐啦，現在都只係試d 5k樓下線材頂下癮!

玩下地線丫,真係改善幾好   我都而家玩下散線用靚頭

racewong

支持本地制作

Wing1238

請問ching, 耳機唔用耳擴用C50耳機位爭幾遠?

kkkiu

Wing1238 發表於 2016-10-21 22:33
請問ching, 耳機唔用耳擴用C50耳機位爭幾遠?

差好很遠，C50的耳機插只是堪用，像HD650這種較難推的耳機，用C50出來會有一層厚霧，而且聲音很平面。

Wing1238

kkkiu 發表於 2016-10-21 22:44
差好很遠，C50的耳機插只是堪用，像HD650這種較難推的耳機，用C50出來會有一層厚霧，而且聲音很平面。 ...

謝謝ching,以你經驗咁用McIntosh MHA 100會否好過用c50呢？謝謝

因為我都有耳機AKG712pro,諗緊一次過升級McIntosh 前級c52，定要專登買多部耳擴。

kkkiu

Mha100貴在喇叭後級輸出及DAC部份，你要推好耳機，還是要加一部匹配的耳擴。