序:
鎗王, 這名字與棍王及刀王齊名於HIENDY. 來到今天2014, 在HIENDY裡看見鎗王這名字, 就諗起racewong這個肥佬.
鎗王加入左HIENDY這大家庭, 不經不覺已超過四年光景, 由最初既用家分享, 到今天的測試報告, 一直以來都本著另一位HIENDY資深會員[廚皇]既格言 – [我手寫我心].
當然, 我自己都有自己寫報告既風格 – 唔夾聲唔寫, 唔好聲唔寫, 唔靚仔又唔寫.
但亦因為這風格, 令到我損失了很多測試器材/線材的機會. 原因?! …..哈哈哈. 你地自己諗啦.
我做左版主咁耐, 越玩越高級, 要令我有驚喜感覺既器材/線材, 已越黎越少.
亦由於我本人既[文筆]極差 (好多時甚至要用到[粗口]這些助語詞去加強我的感覺表達), 如果你要我寫到一件我覺得平平無奇既器材/線材寫到什麼[用過世], [這個價位內無敵手]…等等既鱔稿. 咁就真係SORRY肋, 我真係唔識寫.
但話說回來, 當越玩越高級, 就更難借到返屋企測試. 打個比喻 :
我想試對SOULUTION 700好耐, 代理方面亦都無問題. 但問題反而係我屋企根本放唔到咁大對既MONO後級. 我夠想試下MAGICO Q7, YG老頂, 甚至係MAGNEPAN 20.7. 但我屋企根本放唔落. 所以, HIENDY團隊就構思了這個名為 – [鎗王嘆世界]既活動.
有關依個活動, 美其名就話嘆世界, 實質上係我會走訪眾多香港代理, 聽下佢地既SETUP, 介紹下佢地代理既新產品.
當然, 作為HIFI發燒友既我, 有機會去咁多間SHOWROOM聽野學野, 真係要多謝HIENDY團隊既支持.
所以第一集既鎗王嘆世界, 當然要搵間我未去過去代理聽下啦.
作為這個[鎗王嘆世界]既頭炮, 我就諗到一間對我黎講, 迷一樣既代理 [凌智音響]. 玩HIFI玩得耐, 一定聽過凌智這代理, 佢地代理既品牌, 件件都係HIFI友夢寐以求既器材! 可以話係- [凌智代理, 必屬佳品]
古語有云, 獨食難肥, 有好野聽, 當然想帶多一兩個網友一齊去感受下最新最頂級既器材/線材示範.
所以我就帶左我地HIENDY既資深會員CKKEUNG以及新一代測試王EOSTEVEN, 去到位於香港中環都爹利街1號既凌智音響. 欣賞一下佢地代理既器材.
事先, 當然要打比凌智[BG哥]預約啦. 我地一行三人14:00到達, 一入大門口, 我就比間大房吸引左入去.
放眼見到一對好傳統LOOK既喇叭 – OCEAN WAY Montecito喇叭, 推動依對咁大對喇叭係使用一套TECH DAS Air Force Two.
+ CH Precision D1 + C1 + VIOLA SOLO + A1.
大家無睇錯, 後級得一部A1推動如此大對既MONTERCITO, 唉, CH Precision自從比ckkeung出左份毒膠後, 銷路好到無朋友, 一對M1做完SHOW就賣左了, A1本來有一對, 但又賣左. 所以現在只係得番一部A1開聲.
套CH PRECISION上面, 當然擺放左TECH DAS Air Force Two.
而擺放如些頂級器材既HIFI架當然唔野少啦. 佢就係Artesania audio [架宗]
每一件器材都係我地發燒友既DREAM GEAR. 而我本人, 更加係第一次聽OCEAN WAY這品牌既喇叭.
所以我老實不客氣咁就坐低左喺皇帝位, 由凌智員工打碟.
聽左CAS, CDP, 及黑膠, 全套機既亮點落在CH既A1身上. 細細部A1, 推動OCEAN WAY如此大型喇叭, 其全頻既控制力令到在場三人都目瞪口呆. 至於詳細聆聽結果, 就等CKKEUNG及EOSTEVEN之後補充啦.
我地喺依間房, 聽左成個鐘先肯起身去隔離間房. 過到去首先見到FULL SET NAGRA 推一對AUDIOMACHINA CRG+CRS.
使用既HIFI架都係用架宗Artesania audio.
行入小小, 就見到我最鐘意果對書架喇叭之一既WILSON BENESCH Endeavour.
推動對ENDEAVOUR, 當然要有番咁上下級數啦. 一套CH D1+C1, 再加埋DARTZEEL前後級. 這套機既亮點, 就係兩個襯到[啪啪聲]既專為DARTZEEL訂造既HIFI架.
一聽就聽左兩個鐘, 我真係好鍾意這對ENDEAVOUR, 她擁有書架喇叭的優點, 離箱, 細緻, 音場完整性, 又有大型座地喇叭既穩定性, 強量度與氣勢. 要咩有咩!
如果兩對喇叭OCEAN WAY MONTERCITO與WILSON BENNESCH ENDEAVOUR比我選擇. 我個人就鐘意ENDEAVOUR多D, 起碼細細對, 易入屋D啦.
話咁快就聽到佢地收工(我地三個都未捨得走), 我仲喺大房(OCEAN WAY果間房)週圍行. 行行下先醒起, 我仲未影線材喎. 咋咋淋走去套CH機架後面, 諗住影兩幅就走.
眼前既影像, 簡直令我不相信我對耳朵.
之前令我地聽到如痴如醉既音樂, 就係用這個拖板供電比CH?
有無過份D呀?! 用這個拖板, 可以出到剛才既聲? 我地三個既頭上, 都好明顯有個[問號]?
問番凌智負責人, 原來佢地只係想將在場所有器材/喇叭最真既一面比每位試聽既客人聽. 更甚者, 每部器材既電源線都只係用番黑雞跟機線. 幼幼既喇叭線好像鴨記貨色. 我諗全場唯有接線IC, 係使用GENSISS XLR
凌智負責人更稱, 佢地絕對相信器材本身已擁有極優質的音質音色, 所以陳列室只係使用最基本的線材. 當客人購買產品送到屋企後, 客人更可跟據自己喜愛的音色去作出相對性調整.
今次第一集既鎗王嘆世界, 又令我對HIFI有更深既體會. 期望下集可以去更多唔同代理, 聽下歌, 學下野.
唔知你地有無興趣同我一齊去更多代理聽歌吹水呢? 如果有興趣, 可PM小弟以作安排. (只限元老級或以上會員)
http://www.hiendy.com/hififorum/forum.php?mod=viewthread&tid=78397&extra=&page=1
