今年入手ANTIPODS後, 一直搵緊部DAC. 當然, 初接獨CAS, 當然由性價比最高的解碼開始啦.
上次我就試左部世紀格雷80S, 今次就試埋擁有最強晶片的OPPO SONICA.
今次送到我屋企既OPPO SONICA, 先影左幾幅開箱相片先.
機身只有半個HIFI架咁闊, 隔離仲可以放多部MUSIC SEVER添. 正! 夠晒慳位.
SONICA外觀就自己睇相片吧. 值得一提係佢的機腳使用左幾種不同物料設計. 應該比一般的膠腳靚聲吧.
我自己最鐘意就係佢個面板設計夠簡約. 一個開關制在左邊, 兩粒大圓就喺個DISPLAY兩邊, 右下方就係比你用[USB手指] 或 [HARDDISK]直插.
至於機背方面, 有齊晒現今你需要的輸入輸出端子.
好似輸出就有齊XLR 與 RCA
輸入方面除左面板的USB外, 機背有齊同軸, 方頭USB, LAN, 光纖輸入端子. 基本上一部DAC就攪掂晒你成屋的電器需要.
丫….差D漏左佢個AUX IN. 因為部SONICA除左擁有解碼功能外, 仲有埋前級功能. 在面板的右手邊的圓鈕就是VOLUME. (如只使用他的DAC部份, 用家可以DISABLE這前級功能呢)
仲有佢可以使用手提電話經藍芽直接射歌比SONICA, 又可以用NETWORK玩NAS.
我依個POST唔會教大家使用, 因為使用極度簡單, 來來去去都係要透過LAN或WIFI連接了屋企網絡後. 再在APPSTORE下載OPPO SONICA,
在手提上開APPS就會見到這個板面.
基本上你連接了甚麼訊源都可以透過手提APPS操控. 係咪好方便呢?!
由於好多網友(包括我自己), 對APPS的使用設計極度關注, 所以我CAP多幾幅圖片比你地睇睇.
當中包括,
在OPPO SONICA APPS選擇SPOTIFY後, 其板面會直接使用SPOTIFY, 用家只需在畫面下方選擇輸出方式(你部OPPO的代碼), 就可以使用你套音響出聲.
在TIDAL板面, 我諗我無需介紹呢.
在我的手提電話裡的歌曲也可以使用藍芽或WIFI轉輸到SONICA.
透用NETWORK LAN 或WIFI, 我又可以將存放在ANTIPODS DSGT的歌曲使用OPPO SONICA播放. 換句話說, 既是OPPO SONICA可以使用LAN或WIFI, 經NETWORK去你的SEVER, NAS取歌曲直讀.
當SONICA面板前的USB使用了(USB手指)或(HARDDISK), 在這USB STORAGE也可以見到你的HARDDISK資料歌曲.
最下面的兩項就更加不需介紹吧.
AUX-IN 即使用機背後的紅白ANALOG插直入, 使用SONICA的前級功能.
BLUETOOTH就睇番你配對的硬件. 如要使用BLUETOOTH配對, 要在機身操作.
唉…話唔唔多介紹佢的操作, 但因為依部SONICA實在太多野玩. 所以忍唔住都要CAP幾幅圖比大家睇睇. 哈哈.
好肋, 到大家都最關心的音質音色問題. 今次我就由BLUETOOTH開始玩起. 我先使用SPOTIFY透過藍芽輸入SONICA出聲.
SPOTIFY的音質大家都心中有數, 通過藍芽轉輸更能突顯SPOTIFY的特色. 
之後我想使用SONICA APPS內的SPOTIFY直讀, 但不成功, 因為佢要我比左錢先可以將輸出模式改為SONICA輸出. 所以最終我係無試到SONICA播放SPOTIFY. 只能透過手提電話藍芽過SONICA.
SPOTIFY玩唔到啫, 我JOIN左TIDAL丫嘛. 所以第二測試就係使用TIDAL播歌. 而我選用的試機碟就係最近我最鐘意的MUSICA NUDA 張LIVE, a FIP
點解我用這張?? 因為TIDAL上面又有, 我又用ANTIPODS DSGT RIP左, 當然我亦擁有這張CD啦. 所以三個訊源可以試真D.
我保留我部CD8就是這原因, 因為我要用這部CD8做REFERENCE. 咁就最好作比較了.
至於器材, 喇叭方面, 我使用了SPENDOR D7作測試. 使用在OPPO SONICA的線材包括:
COAXIAL – VIARD SILVER HD
RCA – KONDO LS41
USB – VIARD PLATINUM HD + IFI USB3.0
POWER CORD – Absolute creations Versailles
你班友仔一定話我係咪顛左呀?! 
最平果條VIARD SILVER HD COAXIAL 都貴過部SONICA啦. 咁補法, 咩都靚聲啦. 
但我又唔係咁諗喎, 我要比盡最好的線材, 先可以試清楚這部SONICA的潛能丫嘛.
首先我使用SONICA APPS內置的TIDAL, LOGIN番我的ACCOUNT, 搵番MUSICA NUDA隻碟. 使用LAN直接在TIDAL聽.
之後就到我用部ANTIPODS DSGT透過USB & 同軸輸入去SONICA.
這兩PART的比較, 我個人口味偏好用DSGT透過同軸輸入, 質感與音場與比較理想.
最後試埋用部CD8的同軸輸入到SONICA, 最靚的微動感依然係使用CD8+SONICA的組合.
如果要我去評這部SONICA性格取向, 我會鍾意SONICA播放ROCK / POP MUSIC, 尤其係低頻的量感與彈跳力都合我水心.
這部SONICA的性格取向比較簡單易入屋, 即係全部野都好平均, 除左低頻量感與彈跳力外, 我搵唔到佢有咩突別缺點.
反而, 我再一次強調, 我個人勁鐘意這部OPPO SONICA的APPS, 設計的簡易使用. 清楚易明. 超讚!
後記:
寫這報告之時, 到手到SONICA剛好四天, 這四天我都沒有關機, 使用佢內置的TIDAL不停REPEAT. 加上部機之前都煲左成個星期, 所以一開聲已經有番咁上下水準.
以我現時對CAS的要求來說,
論方便/功能, 這SONICA可謂市場只此一部.
論音質音色, 以價論貨來說, 四個字- 超值之選.
現今市場上, 一萬元以下的DAC, 如你聽開流行曲 / ROCK 等等的曲目, 必定要試試這部SONICA.
另外一提, 這部SONICA對電源線及墊材都好敏感. 如你地第時買左依部SONICA的話, 記得比D靚線靚墊比佢呀.
———- 完 ———
定價: $6999
查詢熱線：3188-1720 (聲耀全音)
http://www.hiendy.com/hififorum/forum.php?mod=viewthread&tid=101810&extra=page%3D1
