冇錢買機 唯有摩機!

七仔

小弟乃窮撚一名, 鍾意聽下歌仔, 又冇錢換機. 玩音響8年, 基本上冇點換過機. 呢部老爺雞盤, 伴我音響之路8年, display字都開始甩, 依然不離不棄 ... ...



電子完全一竅不通, 膽粗粗郁手摩機. 第一樣要摩, 係左上角既fuse. op-amp座得友人幫忙加上去, 可以隨意換op-amp. 飛左fuse好明顯高低延伸闊左好多.



雞盤個transport好雞下, jitter noise頗大, 郁下d聲會惡. 噴黑個殼入便, 背景聲靜左, 斯文淡定.



解碼小水塘, 垃圾cap換過blackgate同elna, 呢兩隻電容太有性格, 唔好用. 最後藍色菲記, 至少中性同埋滑 ... ...



用單支銅線bypass左fuse, 用咁多年又唔見佢燒



op-amp用OPA134PA同OPA627AM鐵殼. 鐵殼比膠殼更通透, 分析力更高. 呢個burr brown組合, 好溶好和味, 速度感稍欠.



OPA134PA



以上既組合大大話話都聽左三幾年, 萬零蚊cd機已提不起購買慾. 想d聲清d, 動態好d, 先換OPA128LM



聽到呢度, 動態好左少許, 仲未好夠. 聲音有d沙石, 唔夠滑. 聽審死官, 蝦叔已經訓醒左, 硬係唔係好夠滑. 又唔想換機, 本來meridian G08唔錯, 好衰唔衰又玩食碟, 買唔落手. 心痕痕, 又改過! 今次真係冇得自己郁手, 唯有搵師傅幫手, 加恆溫clock, d/a同恆溫clock獨立供電. 未改之前唔知會有幾大改變, 求其博一博, 舒筋活絡!



個clock準d, 最起碼d野會滑左. 開聲一輪, 背景靜左, 細節多左, 高低延伸更闊, 感情表達更強, 細細聲已出到唔少細節 ... ... 硬係仲差咁d動態, OPA134AP換上OPA227PA試試, 吉左落去都唔夠一個鐘, 初步聽聽, 線條收靚左, 細節更明顯 ... ... 由於此機設計算得太盡, op amp供電唔係好夠, buffer呢個位用唔到貴野, 必須對voltage要求唔高. 試過OPA627, 聽頭幾分鐘好靚, 轉個頭沙晒聲, 自動投降. 下個目標, 會試下AD823, 睇下會唔會標過頭 ... ...



玩op amp同玩膽差唔多, 轉下另一隻又有少許分別, 相當好玩. 摩機既過程亦好多樂趣, 呢一世都冇機會正式學電子, 大概會學多d基本功. 唔知點解, 每次想同呢部雞盤say goodbye, 硬係會有d搞作, 然後繼續留低.

相信呢度會有好多師兄真正識電子, 摩機焊機會更加精采. 小弟以小學雞既功夫, 期望有高手出招, 指點指點!

一休大師

多謝分享!!!!!

將器材發揮到極限絕對係音響精神啊

tshifi

黃思璁

匹配得宜，用心去玩，絕對勝過只懂盲目購置昂貴器材，人有我有。
玩音響，本人有一個很基本要求，就是要有聽現場的氣氛，很enjoyable的，要久聽不倦。
對刺激音效追求、甚麼顯微鏡式分析力、甚麼青蛙叫、甚麼飛機大炮、打爛玻璃之類...實不值一哂!

七仔

多謝分享!!!!!

將器材發揮到極限絕對係音響精神啊
一休大師 發表於 2011-11-1 07:56

窮風流, 餓快活, 正在循此方向努力中

七仔

要有聽現場的氣氛，很enjoyable的，要久聽不倦。黃思璁 發表於 2011-11-1 14:59

又要細節分析力, 又要有味道, 又要襟聽 ... ... 呢對opa227睇落都有排煲, 尋晚煲左一個鐘, d聲硬左少少 ... ...

七仔

長著一晚, 再試 ... ... 手術成功!

opa227動態加多左少少, 又未至於惡聲. 聽鬼太鼓隻太鼓, 喇叭亂擺, 低音隨鼓皮一浸浸湧埋黎, 果隻三味線, 嘩! 你老味! 彈到成隻rock and roll. 以前唔聽得, 掉埋一便既cd試試, 夏韶聲果隻"我怕傷害你"唱到樹葉都落埋, 盧冠庭隻"但願人長久"唱到中間, 咦~~~乜佢好似想喊咁既? 葉德嫻"倦", 感染力非常之強.最大收獲, 就係一堆冷宮碟, 可以重見天日.

老細聽聽下 ... ... 現在既聲都ok既, 冇以前咁嘈囉! 原來女人既耳仔, 真係好尖 ... ...

masteralain

長著一晚, 再試 ... ... 手術成功!

opa227動態加多左少少, 又未至於惡聲. 聽鬼太鼓隻太鼓, 喇叭亂擺, 低音 ...
七仔 發表於 2011-11-1 23:17

七兄，非常精彩嘅分享！兄長你有毅力，有耳仔，又有心玩！佩服，佩服！

frankiechun

最緊要是每次開機時...都有一陣陣的滿足感...

七仔

最緊要是每次開機時...都有一陣陣的滿足感...
frankiechun 發表於 2011-11-2 08:55

摩機最開心, 就係呢樣越級挑戰既快感

天下第一刀

回復 1# 七仔
鐵殼OP的引腳要盡量短﹐壓盡它。
電源要雙重穩壓才能提昇解析力﹐電源對音色影響非常大﹐不同零件有不同的音色。

七仔

其實隻腳咁長 我都擔心有干擾 ... ... 新簇簇又唔捨得剪 ... ... 下次試下買d二手剪左腳既試試

天下第一刀

回復 12# 七仔
‘試過OPA627, 聽頭幾分鐘好靚, 轉個頭沙晒聲’
是高頻自激引起﹐
能否將該部份電路圖畫出﹖

七仔

抱歉唔識電子, 真係唔識劃 ... ... 用opa134 / opa227 則冇呢個問題, 呢兩隻op amp供電v數低d都得.

ter2yc

恭喜樓主成功魔機
能善用自己器材的確好利害，請樓主問魔改已用幾多錢

七仔

恭喜樓主成功魔機
能善用自己器材的確好利害，請樓主問魔改已用幾多錢 ...
ter2yc 發表於 2011-11-5 00:16

部雞野當年買hk$2400 多年來換電容換op amp加埋今次個clock 差不多hk$4000

僭建相當嚴重 叫做未冧樓

ter2yc

部雞野當年買hk$2400 多年來換電容換op amp加埋今次個clock 差不多hk$4000

僭建相當嚴重 叫做未冧樓 {:5 ...
七仔 發表於 2011-11-5 11:31

    咁改完自已又開心，又獨一無二，值得投資的

七仔

長煲三幾日, 發覺恆溫clock似乎唔適宜長煲, 可能熱得滯工作唔穩定. 正正常常用就ok, 真係好清好analogue.

19/2/2013: 後來搵餐懵搵出原因, 唔關個clock事, 原來係條rca線鬆鬆地, 搞兩搞, 工作一年至今, 一直穩定, 一直咁analogue ... ...

Smarties

博一博, 舒筋活絡......

hkborn

a good diy component web-site
http://www.tentlabsshop.com/index.jsp?groupID=33