大家有睇開我REPORT都知我一向支持本地品牌, 只要係靚仔又好聲, 我必定會推介比網友.
SINE - 這品牌由我九年前初玩音響已經有使用, 仲記得當時買左第一個SINE MEGA6拖板, 果份開心的感覺, 到依家仲係好記得.
一別九年, SINE的產品再次進駐鎗宅, 今次唔係電處拖板, 而係本文主角CASSIO PC.
記得上兩個月, 國聲出左個商戶廣戶, 佢形容這條CASSIO係升級首選, 口痕痕的我話我對MONO都好想試試這條CASSIO. 點知代理二話不說, 就SEND左兩條CASSIO到我屋企.
其實這CASSIO到我家已有一個月時間, 期間我使用我的BRYSTON 7Bsstc長開機勁煲, 聽住佢在聲音上的變化.
講真, 新線初開聲的確強差人意, 開始時我只感到這對CASSIO夠力推動我對BRYSTON, 但缺乏中高飄逸, 人聲中頻略乾. 所以我決定一直煲一直煲, 煲到我聽到有改善先落筆寫報告! 否則, 還番比國聲了.
大家依家睇到依個REPORT, 即是話這條CASSIO的表現己進入佳境, 令我可以落筆分享比各位網友.
講番對CASSIO, 送到我家的是一對線身, 沒有包裝盒(這是我要求的, 因為我屋企實在無位放置咁多紙盒了, 我老婆開始炸晒型, 話成間屋咁多紙盒,似貨倉多過似屋企)
線身好粗, 唔算太重身, 以咁粗既線身來說, 都算幾柔軟. 線身頭尾插使用了自家的冷凍紫銅鍍金頭尾插, 型號包膠在頭尾. 單單睇見這粗度的電源線, 可謂唔打得都睇得. 而且不得不讚賞佢地的裝功極細緻, 單睇頭尾包膠部份已落足心機.
根據代理資料, 線芯採用- 高純度銅線 和 航天級靚銀線 (14 AWG x 6) 以線圈形繞製方法平均分佈編織而成. 你唔好問我即係咩物料, 我只係個玩家, 所以我唔識, 依D資料只係比你地參考下啫. 哈哈.
上文已敍述了新線未煲的聲音取向, 依段就介紹一下佢進入狀態後的表現啦.
先續番上文, 當對這PC一直煲到昨天, 我一邊打緊報告一邊聽緊隻VIOLIN CONCERTO舊碟, 喺思考緊點落筆的中途, 忽然聽到一份好熟識的小提琴高頻, 依份高頻有一份糖衣的圓潤感與延伸力度. 聽多兩份鐘, 我諗到我喺邊度聽過這份高頻了. 就是大名頂頂的AUDIO NOTE SOTTO RCA. 但由於我上次聽SOTTO RCA已經是兩年前的事, 所以我只係單靠我有限的記憶去比較兩者的分別.
聽到大棚野一出, CASSIO表現出淡定有錢剩的個性, 溫婉閒情, 沒有過份的強勁動態, 取而代之是有條理地將每層樂器組分隔得整整齊齊.
聽完整隻VIOLIN CONCERTO黑膠, 我將對CASSIO換番我對蛇王再聽多次. 確定這份誘惑糖衣是來是CASSIO的特性. 心諗這實在太驚喜了, 以本地品牌生產的電源線, 竟可造出這份糖衣聽感.
不過話分兩頭, 已以有限記憶, SOTTO的糖衣比較幼細修長, CASSIO就比較圓潤.
到測試力水方面, 我又將對CASSIO插番入BRYSTON, 使用最慣常的ADELE 21, 將VOLUME推到去85, 聽首ROLLING IN THE DEEP, 控制力合格, 沒有吵耳感. 但略欠剌激感. 明顯CASSIO是走古典小品路線.
回歸最現實的問題, 以這份誘惑糖衣, 加上溫柔的個性, 我估計這條CASSIO的價位應在萬元之上. 當我致電代理詢問價錢後, 知道這條CASSIO竟然幾千蚊有交易. 我就決定快D寫完依個REPORT, 介紹比HIENDY網友.
-----------------------------完-------------------------------
代理: 國聲音響
http://www.hiendy.com/hififorum/ ... id=98265&extra=
|
IP卡
狗仔卡
發表於 2016-10-3 14:59:18
提升卡
置頂卡
沉默卡
喧囂卡
變色卡
顯身卡
發表於 2016-10-3 16:12:39
