MPS

昨天收到東哥電話, 以為東哥又搵我去飲酒.

點知一接佢電話, 佢就話部LUX 509X已經開聲, 講你都唔信, 部機超堅, 又點點點…點點點….下刪三千字.   講真, 認識東哥咁多年, 好少見佢對一部剛開聲的合併機咁高評價. 所以我就決定上去輝煌聽下係咪真係咁堅.

上到去, 見到東哥將部509X放喺塊CMS板上, 再睇下佢用部509X推對YG HAILEY…  我見到頭都暈埋, 大佬東呀, 部509X雖然好堅, 但係人都知道對YG HAILEY勁難推. 會唔會勉強左少少呀?!

但當我見到條友仔笑淫淫咁有自信的咀臉, 我就即管坐低聽下有幾勁. 而我見佢依家個配搭, 我就建議播D 爆棚曲目出黎考驗下部509X既控制力與推動力.

聽左唔夠一首曲目, 我就知道點解東哥咁有信心, 用部509X合併推HAILEY了. 論推動力與控制力, 這台509X合併真係堅得好誇張, 聽東哥講, 509X係使用900前級與700後級的技術下放而成. 所以我聽到果份推動力, 一D都唔似合併機.

不過以佢作為LUXMAN AB類旗艦, 佢喺連貫性與速度方面, 我覺得佢掌握得十分好. 你唔會覺得佢因為係AB類就一定欠缺了音樂韻味, 反之, 喺我聽左一首曲目後, 我覺得佢既中頻水份, 尾音有D似佢既CLASS A聽感. 但一去到爆棚, CLASS AB的推動力與控制力又能瞬間出現.

如果以佢之前部CLASS A旗艦590ax Mark 2來比較的話, 我今次會喜觀509X的全面, 多於590AX II的濕潤豐厚.

如果你地未聽依部509X既話, 我建議你地快D上去輝煌聽下啦.

丫…..差D唔記得講, 依部509X有埋PHONO AMP內置. 以五萬幾蚊的價位, 有此表現與功能. 我真係諗唔到有第二部比較更抵玩.

 

https://www.hiendy.com/hififorum/forum.php?mod=viewthread&tid=108678&extra=page%3D1

 

  • 目錄