MPS

一年啦, 我一年前出左個有關INCRECABLE IBLOCK既報告, 話左平靚正, 每個會員起碼要買番兩盒看門口. 你地買左未先?

報告完左之後, 我都見有好多會員都出左IBLOCK既開箱文, 個個都用得好開心.   都好, 起碼我無介紹錯比會員先啦.

如果未買既會員, 你地又唔駛擔心, 因為INCRECABLE喺今年, 會出盒IBLOCK既升級版, 型號叫: MVD-2

我第一次見這粒MVD-2, 都係代理喺美國做EVENT果時影相比我睇, 我先知原來INCRECABLE出左新IBLOCK咋.

等佢地返到香港, 我就立即拎左四套MVD-2返屋企慢慢試清楚, 這MVD-2比MVD-1提升左D咩呢?

大家先睇睇個PACKING. 無錯, 個PACKING係大盒左小小, 入面既IBLOCK都唔同左樣. MVD-2中間的部份, 依然係MVD-1果樣, 不過好明顯見到外框多左個好靚既四方形合金外框. 而合金外框與IBLOCK的連接使用了彈珠金屬螺絲,將合金外框以懸浮的方式固定在MVD-1 之上。

根據代理比我既資料, 依個合金外框有好多作用, 首先我地要回顧一次MVD-1的技術性原理先.

MVD-1 的基本原理是類似太極乾坤一陰一陽的設計,一面阻擋水平震動,傳遞垂直震動,另一面洽好是相反的。當兩種反方向的震動傳至中間夾層相遇,就會有對消效應震動由動能轉化學熱動,從夾層消散。

而新版的MVD-2基本上係MVD-1的強化加強版, 首先所有震動從MVD-1 處理後的熱能, 傳送到合金外框, 加速消散.  另外合金外框亦能收集聆聽空間中的高頻及中高頻傳入MVD-1中處理。

根據代理所講, MVD-2 比MVD-1 在開放型式的調聲有著更顯注的功效,除了用來墊承器材丶喇叭及腳架、音響架、線材和電源處理器等等之外;還有,不管放在喇叭箱上及任何器材機殻上,甚或放在聆聽空間中也有調聲功效。
例如:將MVD-1 與MVD-2 置於喇叭箱上同一位置作AB替換比較,你會發覺MVD-2 能營造更佳立體音像,高頻的餘韻更綿密,中頻的結像比例更佳,最最最難得是低音笠得更緊、更脆、更結實!

講左咁耐, 係時侯要實地測試一下這粒MVD-2的功效啦.

先試試咩都唔墊, 大家見到我將部EAR放在TIGLON板上, 先聽一首流行曲, 一首古典小提琴. 聽感上使用了TIGLON與之前我測試的結果相同, 喺唔影響高頻的情況下, 中低頻的彈跳力與量感都有所提升.

之後就將部EAR放在四粒MVD-1上, 聽番剛才果兩首歌, 大致上都係同之前我的REPORT一樣. 喺依篇報告裡面我唔多講啦, 你地自己CLICK番之LINK睇番啦.

最後我要試既MVD-2…, 這個加左個框既墊材, 會比MVD-1提升幾多呢. 講真, 未試之前我都好鬼懷疑.  就咁喺外邊加個合金外框就可以提升MVD-1的功效?!

我先將墊在EAR CDP底的MVD-1換成MVD-2. 聽番同兩首歌…頂, 加左個合金框既MVD-2簡直將MVD-1的功能再次提升. 最明顯係分析力比MVD-1強很多, 此話甚說呢? MVD-1給我的聽感一向是厚暖柔和, 但又不減分析力. 但這MVD-2喺厚暖柔和上再加強了分析力, 其聽感就好像UPGRADE了電源線一樣.

我見粒MVD-2咁勁, 一於將佢放在我個黑膠盤的臂板上, 如有玩開黑膠既網友一定知道臂板的”拾訊力”超強, 自從我換左NOTTINGHAM ANNA LOG後, 這塊臂板超大, 反應更強烈. 所以我先諗起將MVD-1與MVD-2放在臂板上, 估計其反應一定比CDP更強勁.

一於之前CDP的反應, 放下MVD-1本來已經有著明顯改善, 不過放臂板的改善係令到底噪更少, 線條更明朗化.

之後再將MVD-1換入MVD-2, 底噪比MVD-1更低, 背景更黑. 聽感上越見實淨.

最近新年, 我招呼左幾個網友上黎我屋企聚舊聽歌, 我都有比佢地A/B聽下這MVD-2在臂板上的改善. 又將這MVD-2放在升壓牛的頂部, PHONO LPS頂部, CDP頂部…等等.

結果? 佢地個個都中晒毒, 散場大家一齊出旺角輝煌, 每人買番兩PACK返屋企慢慢玩. 哈哈.

—————————– 完 ———————————–

代理: Audio Access 駿博音響
實價: $1450 (一盒四件)
***新上市,推廣特價:1,150/套。輝煌音響、數量有限。
零售: 旺角輝煌音響 (友誠11/F)

https://www.hiendy.com/hififorum/ … d=114727&extra=

  • 目錄