香港呢個彈丸之地，樓價不斷飆升，納米樓都話要幾百萬，地方愈住愈細，對於我地呢班家庭影院迷嚟講，想玩大畫面真係談何容易！百事佬當年就係當中一個受害者，盡管聲音已經穿牆拆壁，可惜變形金剛仍然困係四十吋畫面裡面，聲畫不一，頓時意興闌珊，大大減低電影嘅震撼性。
想玩大畫面而地方不足都唔係無辦法嘅，呢兩年百事佬去廣州展，好多展館都已經棄用傳統投影機而轉用超短焦投影電視展示，畫面比起傳統投影機雖有點距離，不過比起舊時已經進步不少，有啲更加去到4K質素添。上星期百事佬就走咗去HiViHK.COM 數碼影音搵主持人Kelvin了解一下超短焦投影電視，Kelvin二話不說即刻駁著部Optoma LCT100比百事佬欣賞，真係唔話得！眼見Kelvin幾吓手腳，一個接近90吋嘅大畫面即時呈現小弟眼前，擺放距離亦只不過係55cm左右。Kelvin無將舗內嘅燈熄晒，刻意還原出家居光暗環境，播出試機風景碟同LUCY電影，雖然只投射係一般投影幕面，但效果絕不遜色，如配上專用抗光增艷框架幕，表現肯定倍數遞增。Kelvin補充講話Optoma LCT100係以雷射作光源，有3000流明，再加上200000:1嘅對比度，所以就算喺日光環境下都有唔錯表現，兼且佢有20,000小時壽命，用家可以當佢電視咁用，完全無須留手呢！
LCT100擁有10W大功率喇叭，就算無其他影音器材，都可以有唔錯嘅音響效果
百事佬心想，一部Optoma LCT100超短焦投影電視加條Sound Bar，一個簡潔嘅家庭影院已經成形，絕對適合蚊形樓家居而又鐘意享受電影嘅玩家。想擁有大畫面嘅準用家，不仿打電話到HiViHK.COM 數碼影音同Kelvin make個appointment，感受一下短焦投影電視帶嚟嘅震撼力！
HiViHK.COM
地址: 香港灣仔軒尼詩道300號中邦商業大廈7A室 (集成中心側)
電話 TEL: (852) – 2361 6176 (Office) ( 11:30am – 7:30pm )
電話 TEL: (852) – 3902 3606 (Showroom) ( 1:30pm – 9:00pm )
