D&M

Zu Cable, 一直都係美國線材的中流底柱, 佢的線材特性以自然,幼細又不失動態為主。

一直以來我都未有機會測試Zu Cable, 只有在膽王Showroom及名錄音師Terence Lai 家中品嘗Zu Cable的魅力。

昨天我上左膽王度, 諗住為部Rogue RP-7換下膽仔, 點知唔小心比我見到佢個線材櫃有條Event mkII Ethernet cable 放左喺度。

大家如有睇依家比我發現開我既報告, 都記得我套MSB由CDT去Dac, 係使用MSB既ProI2S, 而ProI2S就係使用Ethernet Cable 作連接。

依家比我發現條Event mkII 放喺櫃內, 我二話不說就借左回家測試。 順便睇下Zu Cable點解會Set到依條Event mkII咁既價錢。($5500 1米)

包裝就無咩特別, 都係一貫美國線廠既Pizza box Packing.

而線身偏幼, 柔軟。 插頭都係使用Telegartner.

至於條Event mkII既線芯技術, 你地自己睇下面幅圖啦。

當條Event2 Ethernet cable插入MSB後, 聽番我最近最多用來試音, 麟伯既(銀河歲月)。
點解鎗王試音會用依隻CD?
因為依張碟無論係CD, 或黑膠, 都擁有太多太多細節, 真係睇你套機出到幾多。 我每次使用不同器材與線材, 聽番依張大碟, 每次都有很多不同的地方可以比我發現。 麟伯的聲音, 痄為香港人都應該比自己老豆把聲更加熟悉。 加上這張大碟的係喺Slovak Radio Concert Hall現場錄製, 一大隊管絃樂手作為配樂。 可想而知, 細節真係多到你每日聽一次都可能會有新發現。

而今次測試依條Event mkII, 其驚喜比我預期還要高很多。   ZU CABLE一向既線材都係抵玩又靚聲, 性格就偏向理性. 不過依條EVENT MKII ETHERNET CABLE比我一份高貴既聽感. 我之前喺好多報告都講過我既高貴感係超黑既背境, 線材實淨, 高頻亮麗.  而這條EVENT MKII就偏偏做到晒我所講既要求. 

依家條線在分析力上, 佢唔似Stealth既顯微鏡式高清, 又唔會好似雙皇冠咁有力咁重味。 EVENT mkII給我的第一印像係低底噪, , 高低伸延極佳。而音場深度最為令我驚喜, 用左Event mkII後, 深度起碼再穿牆多兩尺。 分隔度身線條都實淨左。 但又唔會講太Hifi, 一切來得自然平順。  我平時好憎寫D咩嘆世界, 無音染等等型容詞, 但這條Event mkII給我的感覺就是無音染下, 可以表現出耐聽,全頻極之線性。

如果硬要我用詞形容Event mkII, 我會話佢會令你的CAS系統更人性化, 佢唔會專登在中/中低頻加厚. 令到中頻肉地微凸. 但你不唔駛擔心佢既低頻好薄喎. 佢既低頻都係一貫美國頂級線材風格. 中低有力, 但不肥厚. 下潛力佳.

總結我今次試完ZU AUDIO依條EVENT MKII ETHERNET CABLE, 可唯對這品牌引起極大興趣. 等我過兩日又借多D EVENT 系列既IC , PC回家試試先.

價錢: $5500 1M, $6800 1.5M
代理: 膽王音響

https://www.hiendy.com/hififorum/ … d=121326&extra=

  • 目錄