我測試左幾對Taralabs XLR已記不起 ， 這the Artist LE係第幾對呢？。 睇番對上測試Taralabs XLR已經係四年前既GME XLR。 一對我當時評價為［超極限］的線皇級別。 四年了， 到現在我測試過的XLR, 仍未有一對可以超越佢。
今次這條在新LE系列中定位為二佬級的The Artist LE, 會否擁有GME的特性呢？ 這是我期待的。
Taralabs一貫包裝都係用番個黑色圓袋。 內裡一樣是HFX地盒放中間。 而主角The Artist LE的線身設計與之前的型號都係差唔多， 只係喺插頭的金屬環上印住The Artist Limited Edition.
而香港發燒友最關注的線身柔軟度， 自從GME後， Taralabs大多型號線身都是偏柔軟， 這點大家可以放心吧。
由於這THE ARTIST LE係新線關係, 又係要出動到煲線機去服侍這對XLR.
經兩日既煲線機猛火煲練後, 再插在NAGRA PHONO上慢火煲多一星期, 係時侯要出報告啦。
測試器材：
NOTTINGHAM ANNA LOG + ACOUSTICAL-SYSTEMS FIDELES.
NAGRA VPS
ROGUE RP-7 & M100
GENESIS MAESTRO
今次這對THE ARTIST LE比我的第一聽感唔係音場深闊或空氣感等等..
反而最先吸引我的是佢既背景寧靜度, 零毛噪感, 好黑好靜. 當樂器越來越多時, 強勁既分隔度令我開始覺得這不是最頂級的層次嗎? 我記得上次測試的THE MASTER LE 喇叭線都比到我一樣的分隔度聽感. 這莫非就最新TARALABS的特性?
我再試聽小提琴獨奏Heartbreak, 其明朗爽快既速度與強弱比的微動態…
點呀?! 這條THE ARTIST LE只係新系列的二佬, 點解D微動態可以咁勁? 每一次的絃聲， 琴腔都可以咁有牽引力。 聽這小提琴， 令我又再一次聽晒全張碟。 如果大佬The Master LE 咪毒死人？ 會唔會同GME又係差唔多表現呢？
不過我一貫測試Taralabs XLR, 都會試下甩左地盒後的差異相距幾多。 當我試完隻Heartbreak後， 我就甩左個地盒試試， 發覺少左個HFX地盒後， 中頻明顯變薄， 剛才強勁的微動態大幅減弱。 我估計這最新既LE簽名式微動態， 其中技術一定係利用這HFX地盒特性而顯生的。
甩左地盒弱左咁多， 我當然立即插番個HFX地盒啦。 再黎就係測試埋古典大棚樂曲。
聽左一面碟， 可以確定大爆棚時的動態與空間感， 一貫Taralabs強項， 與之前的Master Evo無咩分別。
測試完幾張碟， 我忍唔住打比代理問下依對二佬The Artist LE幾多錢。 Oh, 原來這The Artist LE XLR 1.5M Retail Price係$40300。 唔怪得咁得我歡心啦。
大家如果想感受一下新一代Taralabs 的獨有魅力， 快D上去中環亞洲搵明哥， 或旺角友誠六樓搵耀哥， 親身體驗這LE版本的魅力啦。
丫， 仲有一個比較特別的一定要講講， 這對1.5M Retail price $40300, 而加多半米， 只係2米既XLR加多千五蚊。 $41800。
