前排上派斯中環舖, 見到佢地最新代理左Omega Audio Concepts (OAC). 一條條搶眼耀目的鮮紅色線材擺放在機架背後, 其吸睛度比前面的MSB更為吸引。

為左了解OAC既特性, 我拎左條佢既三佬NANO PC 返屋企實試一下。

先介紹這間OAC公司的背理念。 OAC原本是生產器材既公司, 喺設計自己品牌器材的同時, 發現了線材對整體音響性有著重大影響, 所以佢地花了好長時間去造成ELEMENTS系列的音響線。

ELEMENTS 線材主力放在在線芯研究與及屏敝技術, 最重要係相位問題。 所以ELEMENTS最大特色係-靜。 而不同線芯結構亦造就了不同音色的轉變。

ELEMENTS系列共分為五個型號。

Level Five – The Elements
Level Four – Mirco Extra
Level three – Nano Extra
Level Two – Pico Extra
Level One – DNA

而今次到手既型號係佢既三佬Nano Extra. 你地可以會問點解唔借條大佬測試? 因為我拎起條大佬後, 真係要講句:大佬, 駛唔駛咁重呀? 相信用得依條大佬既玩家一定夠位放置條The Elements紅色大蛇。 小弟蝸居就無法擺位了。 所以拎條三佬返黎試下先。

根據代理所講, 所有型號都啱插任何位置, 這包括訊源, 前後級等等。  所以我第一個測試既位置係我部MSB CD機。
而MSB analog dac 就插番條Vovox, 取其中性無味。

在電源拖板方面, 我都係用番Shunyata PS8插入Plixir 電處。 Digital與Analog分開電處, 真係靚聲好多架。

使用器材就係Viola Chorate 合併, Genesis Maestro喇叭。

 

試電源線, 我最鐘意都係用番麟伯既銀河歲月。 試聽聽條紅色大蛇, 給我的感覺就是穩重大氣。 這條OAC NANO PC好像在說明-寧靜就是其最大賣點。 而這NANO型號使用鍍銀線芯, 在大棚古典的起落速度上明顯亦比傳統銅線更爽快。

鍍銀線芯的速度不用懷疑, 反而最令我擔心既中頻厚度, 這條NANO EXTRA竟然沒有鍍銀的問題, 反之中頻厚度水份適中, 分析力都合格。

試完CDT, 我就將佢插在Viola Chorate上, 測試一下佢既量感與力度。

喺第一首銀河歲月, NANO EXTRA既寧靜感依然吸引, 而動態既瞬變力與低頻控制力亦比到理想的衝擊力。

以NANO EXTRA既造功與表現, 我估計這應該是三四萬價位的線材。 但當我問清楚派斯音響, 這條NANO EXTRA PC既售價時, 我的確有點動心。

如果你地想搵條超靜又平衡既電源線, 我誠意推介Omega Audio Concepts NANO Extra PC.

代理 : 派斯音響
售價 : $18000 @2m

Omega audio Concepts Nano Extra PC review

  • 目錄