早兩個月,小弟終於投入4k 世界,買入Optoma UHD-51 4k 投影機,真係既開心又興奮。
得到百事佬幫忙,部51成功就位,仲記得百事佬之前測試過呢部51, 咁我緊係即刻抄返啲數據用啦,同一部機黎啫,數據唔可能差太遠嘅⋯⋯

不過睇下睇下,個畫面好似唔係好對路喎!洗乜驚,幻覺黎啫!嚇我唔到嘅,應該係部機未煲啫,冇事嘅!
好喇,早幾日襯一家人都放假,諗住開隻「超人特攻隊2」大家睇下,睇到咁上下,老細突然話:點解個畫面咁暗嘅?啲色又唔靚。」唉,聽完真係個心都實埋,
咁啱之前認識咗撚機無數嘅Mr. Color 主理人 Terry, 即刻whatsapp 佢問下價先,
咦!調SDR 同 HDR 加埋都係一條HDMI 咁上下嘅價錢,比我想像中平,我早兩日買套Alto Extremo Lyd I 墊BDP 都千中啦,依家加幾舊可以校部機,絕對可以接受,最重要係響老細面前唔可以再失威嘛,唔係日後升級又比佢話嘥錢,咁點算呢!

好彩Terry 有個快期比我,因為我知道佢真係堅忙,有時一日要走幾轉。咁佢上黎前我都做咗啲功課嘅,睇下佢用啲器材如何,問過朋友,真係唔係平野喎,成set 大約要十萬。

器材list:
Klein K10a 色度計
efi es2000 光谱儀
murideo six-G 訊號產生器
Calman Video Pro 2018等.

聞名不如見面,Terry 兄上到黎好快已經set 好個架步,本來我都打算坐埋一邊上下網,食下花生就算,點知Terry 兄好熱情地邀請我坐埋去一齊研究,大佬,我識鬼咩!
佢真係好有心機,逐個step講解,講清楚點解要咁做,點解又唔咁様做,又分析我用緊嘅投影機嘅強弱,好快已經調校好SDR 部分,再到比較難校嘅HDR, 當然Terry 都係一樣細心講解,仲分享線材嘅配搭,調好之後,佢再播放預先準備嘅試片,再依據我嘅口味再作微調。

不如分享下調校數據啦,未調校前畫面綠色嚴重偏多,紅色又唔夠,所以人面成日都面青青,畫面又大光,導致暗位黑位無曬!

雖然我攝影技術麻麻,都希望分享下調校後畫面,相片保證直出無執相。

SDR

HDR

後記:
過往大家可能都認為校畫面唔難,左抄右抄,加加減減就掂,再唔係買隻校機碟搞兩搞一定得。
事實係由環境,投影機,幕布,投影距離都係環環緊扣,變數十分之多,調校色彩更加係相互影響,少啲經驗同應變能力都搞唔掂。

經Mr. Color Terry 調校後嘅Optoma UHD-51, 我唔會話佢畫面靚咗,我係會講佢可以將最真實同自然嘅畫面表現出黎,發揮到部機嘅應有實力,由今日開始,大家應該都對調校畫面有從新嘅認知,以一個相當低廉嘅價錢去換取一個真正高清畫面,個人認為遠比換條線更加超值!

對調校有任何疑問 ,可直接whatapp Mr.Color Terry
https://api.whatsapp.com/send?phone=85292337866

或可上Facebook 專頁
https://www.facebook.com/MrColor-Terry–223704244986125/

亦可上 instagram follow
https://www.instagram.com/p/Bpyq … igshid=vkedpctsbxt0

Mr.Color 專業色彩調校服務

 

 

https://www.hiendy.com/hififorum/forum.php?mod=viewthread&tid=123720&extra=page%3D1

 

  • 目錄