MPSource 係MPS的高階路線, 由天籟開始, 毒藥等等都定位於MPSource.

今年同一時間有幾個網友都向我力推一對MPSOURCE 喇叭線,又話贏左幾萬蚊既某某喇叭線又點又點咁。。。攪到我都好身痕想知道這對當時連名字也未有既MPSOURCE 喇叭線可以有幾好聲。

上次同MPSOURCE 香港代理同遊陽江十八子, 佢借左對名叫[天音 Skyline]既喇叭線比我, 天音的定位在天籟之上一級。 仲話包我會毒咁話。

到手既天音線身唔算幼身, 粗度都有番咁上下, 不過好在佢既線身都幾軟身, 適合香港家庭。

線芯使用多股不同粗度的6n單晶銅絞合而成。 線芯加加埋埋都好鬼粗。

而這對天音係使用Furutech 銠白金叉頭, 佢對上仲有一個頂級Furutech 炭纖銠白金插頭。

 

對喇叭線拎左返屋企後, 第一時間就用部煲線機煲夠48小時先試聽。 之後將佢插喺我部Volent Chorate 與Genesis Maestro之間。

使用的Source當然係我既新愛Sumiko Starling MC唱頭, Nottingham Annalog唱盤,Nagra VPS唱放。

由於我對佢既期望好大,我就拎左隻古典爆棚黎試下依條傳聞咁堅既天音Skyline有幾勁。

這張是我最新買入既Ballet Music from the Opera, 全碟極易入耳, 場面夠大, 有高低兩層音場。 喺換入Skyline喇叭線後, 我第一聽感係氣場好深好大。 有少少似美國T牌既空氣感。 其次就係中低頻質感好強, 暗湧的低頻有晒層次咁慢慢浸到皇帝位, 這方面的強項好像增加了音場的穩定性。
中高既金屬質感都好正。 另外就係音場的高度又合乎比例又多細節, 因為我聽到在喇叭前上方的小號的所有微細變化。

試完古典, 搵番隻胡琳既Me and You出黎聽下佢把聲夠唔夠嗲先。 聽完半張碟,除了之前所講既音場穩定性及空氣感外, 在中頻女聲方面, 我聽唔到咩音染, 即係話胡琳把聲依然嬌美可人, 但沒有過份的味精加入令佢把聲改變。 這就真係好睇個人聽歌玩音響既取向了。

試完古典又試女聲, 我覺得這次MPSOURCE 這對天音走對了方向, 聽感上好像是美國兩大線材T牌的混合体。 既有空氣感, 音場夠大又夠穩定。 在價錢來說, 這根本係賣大包之作, 問題只是美國與台灣的分別吧。

如不談國藉, 只談音色, 有人喜歡在喇叭線上調味 (我自己), 又有人覺得喇叭線應該盡量直白無個性, 零音染。

你又喜歡有味與無味呢?

—完—

代理 : N1 Audio
電話 : 9683 2288
價錢 :
天音 Skyline
2.5M
古河鍍銠白金 版 訂價 : HKD $15000
古河頂級碳纖銠白金 版 定價 HK D$17800
3M
古河鍍銠白金版 訂價 HK D $18600
古河頂級碳纖銠白金版 定價HK D $21400

Racewong report-力挑外國名牌旗艦既MP Source天音喇叭線

  • 目錄