我好驚寫TQ CABLE. 每次寫親TQ, 我都唔知喺邊道著墨。 主要原因係佢所有型號都唔會提及佢線芯既用料及結構， 所以今次既報告我只會提及佢既外觀與音質音效比較。

TQ cable可說是我近期最喜歡既線材品牌。 玩左音響咁耐， 試線無數， 現今最頂級如3C, O2, GME等等既線材的確令我大開耳界。 但這三對接線都係十萬幾上級數。  在音色音效， 這三大品牌可稱得上三國頂立， 誰也贏不了誰。 但聽來聽去都係這三大品牌， 會唔會悶D呢？ 有無D新品牌可以以表現直迫當代頂級接線呢？  如果大家都係咁諗既話， 就一定要睇埋落去了。

在我家， 這條Statement經煲線機狂煲兩日， 我急不及待咁將佢插在Nagra VPS 唱放與Viola Chorate 合併機中。

聽左兩首行流曲， 我好驚喜佢既表現可以直迫現今頂級品牌既型號。  由於我本來已使用一對Black Diamomd XLR, 所以我好輕易就分別到這個TQ新型號statement所帶出的口味偏向。

如果玩過Black Diamomd XLR用家， 簡單D講Statement在分析力， 細節， 連貫性與背景寧靜度都遠超Black diamond。

未用過TQ既網友， 我又嘗試以最簡單既方式形容比你地知道TQ Statement 既性格與級別去到咩境界啦。

當這對TQ statement接駁我套組合後， 全頻變得柔和悅耳， 沒有半分硬聲。 喺柔和耐聲既聲音中， 密度與分析力超強。 如果你要我去形容Statement係咩味道？ 這點我好快可以答到佢係一對超高分析力既英國風格。
Statement既中高頻有份厚度分析力， 低頻較有豐富層次。 佢唔會係好刺激既美國風格， 但又比傳統英國風味更有層次分析力。

咁以佢既價位， 與現今大品牌既比併係屬於咩Grade?  記得上次家訪好友Thomas, 即場與Thomas家中的線材作AB比較， 結論是本文主角以性價比先勝一仗。 因為以Statement 賣價$55000 1.5m既XLR來說， 其表現與另一品牌既八萬元級別平起平坐， 各有支持。

如果兩對平衡線， 其表現互有長短，但一對係55000, 另一對係85000。 咁你地又會點選擇呢？

代理： 龍駿音響
價錢 ： 1.5M $55000

https://www.hiendy.com/hififorum/forum.php?mod=viewthread&tid=124395&extra=page%3D1