今曰剛開箱插上這CAD GROUND CONTROL在MSB ANALOG DAC, 聽完兩首歌, 我興奮得立即出POST分享。

過年前我已在凌智音響取得這個地盒, 可惜剛農曆新年, 加上又去左成個星期日本旅行, 回來後仲要攪埋Hiendy俱樂部裝修事宜。
攪到我這兩天先得閒拎個CAD GROUND CONTROL出黎玩。

外觀就自己睇相啦, 實物比相片再靚仔好多。

背後有兩個插位, 一個係插器材, 另一個係比你橋接多個GC1.

另外, CAD GROUND CONTROL仲有個高型號叫GC3.

凌智今次為我準備左兩條地線, 一條係RCA插, 另一條係叉插。

不過我自己覺得這CAD GC1對應線路板既NOISE 會有效果D, 所以我先試條RCA線。

睇佢官網講依個CAD GROUND CONTROL最勁就係插喺DIGITAL訊源。 好以CDP, DAC, Sever等等。 所以我就先試將這個CAD GC1插喺部MSB Analog dac既RCA上。

試聽曲目係我好耐無聽過既 Mozart Piano Concertos no. 20,21玻璃cd.

我今次先試插上GC1, 聽完兩首歌後就甩番GC1出黎比較。

當我甩番GC1出黎既時侯, 聽左半首曲, 已經是忍唔住要出依個POST分享。

音場闊度與細節多左好多。 尤其係鋼琴既堂音, 長左幼細左好多。

而音場方面更是驚喜, 每邊再闊多一尺左右。 最正就係音場拉闊左, 但質感密度反而更高。

再拎多張[粉藍DALI]出黎試試, 依張碟我最鐘意用第三首EIVOR-[MIN MODIR]測試人聲與空間感的分隔度.

經AB比較後, 發覺佢既中頻連貫性提升得最多。 Hmmm.. 點講呢? 即係你會聽到柔順左, 感染力增強。 空間感比聽玻璃CD時提升更多.

你地睇到依度可能會發覺我無特別提過寧靜度。
主要因為我覺得地盒能提升寧靜度已是必然現像。 最主要反而係喺提升寧靜度後, 可以為音樂帶來甚麼樣既改善。

依家個CAD Ground Control最強就是增強寧靜度後, 令細節訊息量更多, 音場闊度增加, 密度加強。

當試完MSB analog DAC, 就試下將這GC1插在Viola Chorale, 訊源使用黑膠NOTTINGHAM ANNA LOG + SUMIKO STARLING唱頭, PHONO AMP就係NAGRA VPS.

試聽黑膠係最新既SUKI大碟 MOVING FORWARD.

當中我最鐘意一首係傷城, 喺未駁GC1之前, 背景已經極黑, 人聲與鋼琴的分隔度, 定位都好清楚. 中段有浸超底與人聲的分隔度極考機. 在我的組合上已經播得好滿意.

但當接駁了GC1後, 發覺已黑的背景可以更深黑, 人聲立體感提升到另一層次, 中段浸超底頻感覺再潛底多幾hz

當開心過後, 心諗如果用這GC1直接接駁NAGRA VPS唱放, 會否有更大功效呢?

結果我用左三次ABABA既比較, 才聽得出直駁VPS在立體感提升少少, 真係要ABABA咁比較先可以聽得出.

今次測試這GC1, 我極鐘意佢喺部MSB ANALOG DAC既表現, 當中既堂音與空間感極奇討好. 細節訊息量增加. 我諗唔到我比錢了事的藉口.

不過我打算借多隻GC1番黎試下同一時間ANALOG DAC與VIOLA CHORALE都插晒GC1後的表現會否更有驚喜比我。

代理: 凌智音響
實價: $17800

 

https://www.hiendy.com/hififorum/forum.php?mod=viewthread&tid=124590&extra=page%3D1

  • 目錄