期待已久既Concept 300喇叭終於喺今曰發佈。 點解我咁期待？
有聽過之前Concept500座地喇叭，就會明白我既期待。

Q Acoustics一向性價比超高， 今次既Concept 300更用上多項新技術。超吸引。

等我分享下昨天既照片先啦。

上到Guru Acoustics 大門口， 平時要按鐘開門， 今次因為有發佈會， 所以大門兩邊已放置Q acoustics 易拉架與Guru抽獎箱。

入到去見到好多野食， 又有咖啡飲

再過D就見到今次主Concept300既零件單元， 箱體等等。

值得一提係Concept300使用了旗艦500既箱體設計， 使用三層木設計, 每層木中間使用特設既啫喱作化震吸震之用.

另外就係CONCEPT300既底板, 每隻喇叭底板都使用四個彈弓, 令這對超級書架的化震效果得以大大提升.

而Concept300更設有三款顏色以供選擇。

而講到CONCEPT300最吸睛既設計莫過於佢既腳架. 使用最輕既三腳不鏽鋼柱設計, 令CONCEPT300最能接近浮在半空既狀態.

這三大設計概念, 加上ACOUSTICS既製造喇叭技術, 想唔靚聲就奇啦.

當介紹完這對Q ACOUSTICS既設計後,

會場都安排了試聽環節, GURU ACOUSTICS使用一套CEC作訊源, 及AIRTIGHT前後級推動這對CONCEPT300主角.

聆聽環境大約三百幾尺, 企滿廿位傳媒朋友, 這套組合無論播放古典或流行曲, 其量感都能夠填滿整間房間, 亦由於CONCEPT300既三大新設計概念, 使得這對喇叭仔既甩箱程度係我聽過咁多對書架喇叭中, 最甩箱, 音場最大既一對.

我建議大家快D打電話比GURU約時間試聽吧.