我玩音響年資只有十幾年, 在這十幾年裡, 音響既喇叭設計離不開箱體結構, 用料, 單元用料等等變化。  估唔到喺2019年, Q Acoustics 對新Concept 300會使用彈弓來浮起對喇叭, 還有一對勁 Cyber既腳架。

這對300仔未到貨前, 我聽代理說這對新喇叭一定係Q牌頂峰之作, 除了上述兩項新設計外, 還將佢地旗艦500既技術下放。 即係音箱使用三層木, 每層木更有吸震啫喱。

如以唱盤結構來說, 這是軟盤設計唷。 究竟這對300仔既取向會否好似軟盤咁有音樂味呢?

經過上星期既300仔發佈會後, 我今曰專登走上Guru Acoustics, 自己一個慢慢品嘗這對書架喇叭。

推動這300仔係使用一套CEC中價CDT TL2N與Dac DA3N, 前級係Airtight 入門前後級 ATC-3與ATM1S.

全套機大約十幾萬咁上下。 啱晒依對300仔既價位。 測試軟件係我千辛萬苦咁訂左三個月既CD.

一隻係Kent Poon介紹既Kat Edmonson – Way down low. 這張碟主要測試背景寧靜度, 中頻水份與全頻線條夠唔夠實淨。

今次喺Guru Acoustics 聽這張大碟,300仔播放 Kat既獨特人聲有份好特別既張力, 就好似在你前面慢慢咁, 細細聲咁唱歌比你聽, 當中既所有細節與情感, 你好容易會接收晒。 依把人聲分析力, 我諗只有A字頭既喇叭才能比美。

之後就試埋第二張 Eivor – Live. 測試器材,

我最喜歡就是使用演唱會。 當中既空間感, 好易就聽得出器材線材有無能力還原到現場一樣的感覺。 而依張碟最正就係第一首 Min Mooir. 如果你地有玩Tidal既話, 一定要試下搵搵。 包你立即愛上。

Min Mooir開始既低頻已經好有衝擊力, 包圍感好強。 最正就係去到中段既超低頻, 除了測試空間感外, 低頻層次都可以試到對喇叭既包圍感與低頻表達方式。 喺Airtight與300仔既演繹下, 低頻既包圍感令到這400尺廳變左現場一樣。 Airtight獨有既快速膽味亦都能夠表現出黎。  而亦因為佢最新獨有設計, 其甩箱能力超強。 我聽左咁多首歌, 都未聽到有一粒音係從喇叭單元而出。 整個音場平均分佈會喇叭既前後位置。

試完兩張碟, 我覺得這對Concept 300喺音場既還原能力, 低頻既量感都有明顯優勢, 就算比較一些十萬元級別既書架喇叭, 都一樣唔會失禮。  不過今次既組合以膽為主, 在人聲中頻會比較著數。 如果下次有機會再聽多次既話, 我諗我會要求以石機Mono咁推爆這300仔, 看看佢既能耐可以去到咩級數。

你地如果要試聽這300仔連腳架既話, 我諗要等到四月先有得試了。 因為今次Q acoustics只送了對腳架黎香港, 而這對Concept 300又即將要送到大陸發佈會了。

依。。。計計下, 咪即係Hiendy俱樂部開張果段時間?

 

https://www.hiendy.com/hififorum/forum.php?mod=viewthread&tid=124788

 

  • 目錄