上星期剛完了的SOULNOTE X SPENDOR 試聽會完滿結束, 實在要多謝雅詠音響與輝煌影音提供器材與場地. 等我分享番當天的相片啦.

星期六一連兩場的試聽會喺兩點先開始, 但我已一早到達輝煌影音準備, 當然襯會員未到場, 為示範既器材影靚相先啦.

SPENDOR A7

SOULNOTE C1

SOULNOTE A1

SOULNOTE E2

LUXMAN PD171

睇完器材, 講下今次我地為大家安排既節目啦.

開始時先由東哥介紹SPENDOR A7 , LUXMAN PD171與及Acoustic harmony 最新Z系列線材.

SPENDOR A7係最新SPENDOR小型座地, 強項除了SPENDOR簽名式中頻外, 還有超實淨既音箱, 聽東哥講, SPENDOR係使用英國最靚既木材廠, 精選制造出黎. 所以A7既木質極為實淨, 增強穩定性與甩箱感.

LUXMAN DP171係LUXMAN頂級唱盤, 好多行家屋企都係使用這個PD171唱盤呢.

ACOUSTIC HARMONY最新Z系列, 我都係第一次聽, 聽感上這一代既AH除左保持了其中低頻既厚暖與實淨外, 在高頻的伸延,分析力,與通透度都提升不少.
遲D一定要借番一套番俱樂部慢慢測試.

介紹完就東哥為大家打碟, 聽完一首歌後, 就到雅詠代表RINGO為大家介紹下今次SOULNOTE既十週年新成員, A1, C1與E2.

先講C1, C1係SOULNOTE十週年既入門合併機, 全日本制造, 機身細少, 不過佢使用左SOULNOTE獨家技術無負回輸設計, 解碼使用PCM1792A, 機腳使用左三粒金屬釘, 在後面粒釘係機械接地. 用家唔使再為左佢既墊材而煩腦. 而輸出部份係真平衡線路, 無錯, 萬幾蚊既C1真係平衡輸出.

A1 就以超強推動力為賣點, 不過我就有D好奇, 佢既控制力又如何呢?  丫, 東哥又醒喎, 立即拎左張打鼓既CD出黎比大家再熱下身, 聽東哥講依張碟係SOULNOTE廠方指定要播既CD.

當日在場連埋版主及輝煌員工大約廿人, 喺三百多尺既房間內, 使用這套C1+A1+A7播果張打鼓, 真係個個會員都O晒咀. 無論係衝擊力, 音場深闊, 鼓皮餘韻, 都結結實實咁表現出黎.

再次多謝雅詠RINGO為我地咁詳盡介紹今次示範既產品, 跟住落黎就到我鎗王介紹D靚CD比大家聽, 順便當然係測試下這套SOULNOTE既極限能耐啦.

大家睇下幅相, 個個會員都好滿意喎.

 

 

你地聽CD都咁開心? 播埋黑膠仲得掂? 不過講到SOULNOTE E2既強項賣點, 我又要交番比RINGO為大家介紹.
在於我黎講, 這部E2真係堅好玩.  以佢既價位, 以佢既功能, 再加埋佢既聲音表現. 我暫時真係諗唔到邊部PHONO可以比佢更強.

先講賣價, 四萬幾蚊, 有齊正反相, 144種OLD EQ調節杻. 全部設定制喺晒機面, 極方便玩家為你地既唱頭作出微調. 等我再講下果個OLD EQ功能, 簡直係令我愛上SOULNOTE 這E2的原因, 我都未見過有部PHONO可以有咁多OLD EQ比用家選擇. 好玩到不得了. 如果你地擁有大量既舊黑膠唱片, 這部SOULNOTE E2簡直係必入之選.

之後我就介紹左幾張黑膠比大家聽, 仲即場開封幾張新唱片與大家分享.

最後當然係影大合照啦.

喺依個POST我要再次多謝輝煌影音全體工作人員, 雅詠音響RINGO. 下次再見大家.

 

 

https://www.hiendy.com/hififorum/forum.php?mod=viewthread&tid=129328&page=1&extra&fbclid=IwAR3I6QrRNY_8qLttO0omIUDOzaEIcz6W-Uu8f5e0hTvqJgj9gde3t4-kJgM#pid2931502

Categories: Feature, 活動花絮區
  • 目錄