諗返早幾年， 我一直想搵一塊又輕身， 又細塊， 又有效果既擴散板掛喺電視上。 當然最緊要係價錢唔貴啦。
一搵就搵左幾年， 我發覺好多外國廠都無出過一塊合我心水既擴散板。 曾經, 我仲聯絡台灣果邊既廠, 睇下可否設計一塊合我要求既擴散板, 在香港發售.
重申， 我只想可以徹底解決屋企部電視, 對聲音帶來的負面影響.
一等就等左兩年, 台灣果邊無晒消息, 我都打定輸數, 心諗如果真係咁易攪, 其他大廠一早就攪左啦. 
點知上次上去Lowther China新Showroom, 見到佢幅牆掛左四塊黑色相架既物體， 問番老闆先知道原來係SR最新既調聲板， 佢既技術係塊板既黑色面噴上一種名叫Proprietary UEF coating 。 手感好似一塊500號沙紙咁。 摸上手就唔覺有咩特別。
背板除左SR個LOGO貼紙外, 仲有兩個扣比你掛上牆.
大家睇完D相片, 係咪覺得依塊UEF PANEL好普通啫. 又無得掛上電視, 點解我會咁大力推介?
大家睇睇以下依幅相片.
依兩個勾係我喺十蚊店買入既普通鐵勾, 我將佢痴左喺塊UEF PANEL兩個角, 就可以好輕易咁掛上LCD 電視.
由於塊UEF PANEL真係極輕, 所以真係用兩隻手指就可以掛佢上LCD電視.
喺佢官網, 都講左依塊UEF PANEL係可以分開幾個階段去玩.
LEVEL ONE : 一塊.
將UEF PANEL放在前牆中間位置, 離地面四五尺.
喺香港家居, 好似我屋企咁, 前牆中間五至六尺既位置就係一部LCD電視, 所以我只需將依塊UEF PANEL DIY個勾, 好易就掛左上電視上.
聽感: 加左依塊咁細塊既UEF PANEL喺LCD電視後, 佢既特性與傳統擴散板分別不大, 改善左口型聚焦與音場深度. 效果都好明顯下.
由於我當時拎晒一盒四塊UEF PANEL, 我就先嘗試將其餘兩塊UEF PANEL都掛埋上電視面. 聽感上與掛一塊時既表現差唔多. 即係話前牆中間真係只需要一塊UEF PANEL就可以解決左LCD 電視所帶來的負面影響.
另一玩法係佢官網無講， 可以玩兩塊， 一塊放前牆一掛電視， 另一塊就掛在皇帝位後牆， 依個擺法， 在我家中提升得最明顯係包圍感， 空間感， 堂音更豐富。
LEVEL TWO: 四塊
根據官方網頁所講, 前牆除左中間四五尺位置掛上第一塊UEF PANEL後, 在左右兩邊離地**三四尺**位置都需要掛上UEF PANEL, 而最後一塊就掛在你的皇帝位後牆離地四五尺的位置.
**左右兩塊既高度要視乎番你屋企既環境, 我屋企就係放在四尺左右高, 有老友屋企就要放在六尺高度. 真係要自己試. 因為依兩塊板可以影響音場既闊度與低頻既下潛力度.
我當時手上有齊四塊, 前後牆各一塊， 其餘兩塊UEF PANEL掛在喇叭後面. 離地面三至四尺。
用齊四塊UEF PANEL聽感： 人聲既口型聚焦力無強化, 不過好奇怪係佢既空間感與音場深度都再明顯提升. 如果聽鋼琴或小提琴等等樂器時, 中高頻既堂音靚左好多. 係一種有厚度有光澤既堂音. 
果一刻, 我比佢毒死左.
一直到左最近, 新一批UEF PANEL先到貨, 可惜我全套音響已搬晒返俱樂部。
無得喺屋企測試， 唯有拎返俱樂部慢慢玩啦。
俱樂部大廳既size係15 x 19尺。 無LCD 電視。 所以喺前牆既牆身釘左一個小勾， 勾起一塊UEF PANEL。
前牆兩側都係好似屋企咁掛上兩塊。
由於俱樂部皇帝位後牆係一塊133大屏幕, 我無辦法好實淨咁掛上去, 所以我只能以文具夾將佢吊在黑簾上.
俱樂部用上四塊UEF PANEL後， 音場明顯深闊左, 空氣感大增. 不過有樣野好肯定既, 係UE PANEL並無吸音功能. 好在俱樂部既大廳有兩大塊絨布幫手吸音, 否則真係會撞到拍拍聲.
LEVEL 3 & 4: 八塊及十二塊
大家先睇睇依兩幅圖片。
喺香港地要玩八至十二塊UEF PANEL係比較有難度， 因為多數發燒友都唔會有兩面側牆可以放置一至兩塊UEF PANEL喺喇叭既第一反射點。 不過有老友喺淘寶搵到D好輕便既金屬架， 可以好簡單就吊起塊UEF PANEL. 再將個金屬架放在喇叭既第一反射點。
咁就可以解決到只得一邊側牆既問題。
大家如果試左Level 2四塊係覺得有效既話， 一定要買幾個依類金屬架， 咁就可以輕鬆解決左右音場唔平衡既問題。
可惜代理只係比左四塊比我測試, 唔知LEVEL 3 & 4有咩效果。
不過單單四塊UEF PANEL已經令我愛上SR既調音技術. 依家代理更拎左幾盒全新UEF PANEL放喺俱樂部. 如果你地都有興趣既話, 可以打比我約時間上黎試試.
又或者直接到HIENDYMALL選購.
HIENDY俱樂部預約電話: 6508 8000
價錢: 一盒四塊 $4400
單買一塊 $1200
