大家仲記得數字馬田果篇Auralic Aries G1報告嗎？ 無錯， 當日數字馬田上到俱樂部， 打個招呼就坐在皇帝位, 拎起IPAD就開始選曲. 
既然數字馬田已經寫過G1, 咁我又再寫黎做咩? 
數字馬田寫既報告, 佢係從佢作為AURALIC G2既資深CAS用家既分享. 而我, 則是一個對CAS這玩意始終有著少少偏見的初階玩家分享.
又要講下我第一次接解AURALIC這品牌喺大約兩年前, 喺國聲音響攪既CAS EVENT, 當日既主角正正就是當時剛推出既AURALIC G2 STREAMER + DAC.
記得當日報名十分擁躍, 最後要攪到要抽籤. 而當晚眾多會員與我一齊欣賞AURALIC G2的美聲, 初步聽感依套G2好高質, 雖然無得同其他歐美品牌AB比較, 但G2既分析力, 質感已經可以與歐美大廠睇齊, 甚至超越.
喺依個G1報名裡面, 我唔講太多G2既賣點啦. 你地自己喺HIENDY都可以搵到番香港代理國聲音響既POST.
而G1有咩講? 見睇相片吧.
齋睇外觀, 你都估到AURALIC將G2既大部份專有技術下放到G1.
面板除左按鍵顏色不同外, 仲有底板既厚度都有不同.
而機背所見, 所有現今最流行既數碼接位都齊晒. 唯獨就是少了G2既HDMI接口.
上面是G2, 下面是G1.
有關AURALIC G1既功能, 因為太多啦, 我唔會喺依個報告講得咁詳細, 你地自己睇番下面條LINK啦.
今次測試既器材, 我使用左工作室裡面既組合.
1) 工作間既NAGRA HD PRE + DAD MONO + YG SONJA 2.3
使用軟件係AURALIC 專用APPS LIGHTNING DS
回返本文最頭果段, 當數字馬田拎起IPAD選擇曲目既時侯, 佢問左我一個問題: 你到依家都覺得CAS贏唔到黑膠?
佢無端端問依個咁深既問題, 當時我的確係要諗左一陣先可以答到佢: 我只聽過一次播放CAS係接近頂級黑膠系統, 但當時套CAS器材, 價值超過一百萬港元.
之後, 當佢聽左兩首流行曲, 就問我部G1用緊咩線接駁? 我回答佢係使用USB線接駁.
佢二話不說就建議我換條COAXIAL 或AES, 再去試聽. 由於我當時只得一條STEALTH老頂OCTAVA-T AES, 依條AES價值等於一套G1既價錢, 既然數字馬田咁想聽下G1使用AES接駁, 我就駁比佢聽吧.
當我駁好後, 大家一齊聽番剛才果兩首流行曲. 換左AES後, 發覺ANALOG了. 樂器既連貫性, 活生感, 質感都得到重大提升. 果份提升就好似UPGRADE左部G1去G2一樣. 
講真, 依一刻我真係好滿意部G1既聲音表現, 心諗唔怪得知數字馬田依個資深玩家, 都入手AURALIC G2 STREAMER了.
聽多兩首歌, 我就揀左隻A STAR IS BORN既FILE出黎聽. 聽左半首歌, 我就拎張黑膠出黎, 一心諗住AB比較一下G1既功力可以去到黑膠幾多成?
結果當我比較完之後, 我不得不承認, AURALIC依品牌, 在音質與音效處理上, 進步神速.
無論我試聽流行曲, 古典樂, AURALIC G1都能表現出超強密度與音樂感, 這令我更想試試AURALIC G2既能耐.
當然, 你地一定好想知道當部AURALIC G1 使用STEALTH OCTAVA-T後, 其表現會否超越了我套黑膠吧.
喺依個報告, 我可以好老實回答你地, 當時部ARUALIC G1的確在全頻既密度與延伸都好過我套黑膠系統. 
當然, 有了這次經驗, 我已將我套黑膠再次作出微調. 現在, 黑膠既表現已反超了G1了. 
而我作為一個發燒友, 有得玩AB比較, 當然想玩盡器材既性能啦. 雖然依家套黑膠已反超越AURALIC G1, 但我又諗諗下, 仲有咩補品可以令套G1既表現再次提升呢?
結果, 我拎左套SINE 太極墊出黎,
將佢墊喺AURALIC G1 STREAMER 與 DAC之間. 有關太極墊既報告, 大家可以睇番下面條LINK.
當震動在兩儀之間 – UNGNOI Taichi Base (太極座)
墊左太極墊既G1, 喺分析力與音場深闊提升得最為明顯. 不過我深信如果將兩部G1 STREAMER與DAC分開放上機架, 喺穩定度與全頻質感會再有提升空間.
可惜的是我的音響架已沒有空間放置了. 
總結:
喺俱樂部成立至今, 到訪過既CAS器材多不勝數, 能令我玩完又玩, 玩完再玩既器材並不多. 這AURALIC G1是其中一部.
AURALIC這品牌另我對中國製STREAMER 有著新體會, 佢對於線材, 墊材有著極靈敏既反應. 好似今次測試我試過不同電線, 訊號線, USB等等線材, 又或是使用太極墊, 都有好多既分別.
不過最重要最重要既係如果使用LIGHTNING DS APPS, 建議用AES 或 COAXIAL接駁ARIES 與 VEGA.
代理: 國聲音響
Aries G1 定價 $18,800
Vega G1 定價 $30,800
