黑膠喺十年前興起, CAS又係喺依十年間進步神速, 剩下曾經/現在仍是音響訊源主流既CD停滯不前, 幸好世界上還有唱片公司堅持研究新技術, 令CD光碟更靚聲, 更傳真.  就好似近十幾年前既SACD, UHQCD, 等.等…每一次都令發燒友又愛又恨. 愛者就係真係比前作更靚聲, 恨者當然係又要買碟啦. 哈哈.

除左CD格式, 發燒市場上對於如何提升重播CD既質素更加係五花百門, 求其數下都有消除靜電, 消磁, 神仙水, CD墊…等等.

而今次我要介紹比大家係一塊以我所以係市場上最堅既CD墊-第六元素A.I.S HE-R1 Pro X.

話說依個第六元素這品牌都係由風行唱片老闆Andy Lam與Guru老闆有次去行台灣展, 聽過佢示範AB比較後, 驚為天人, 決定要代理佢返香港介紹比多D香港發燒友認識依個品牌。

及後, 佢帶住依塊墊去過多個東南亞國家既音響展, 又係即場示範AB比較後, 每個發燒友都嘩然小小一塊CD墊, 竟可以有咁大提升。

依塊CD墊共分兩個型號, 一個係薄身少少既HE-R1(PRO), 以及高級版HE-RI (PRO X).

介紹依塊墊之前, 不得不提佢喺日本及台灣推出短短時間, 已經榮獲兩個大獎 (AA AWARD 2019特別賞)及(HIFI & HIVI MONTHLY EDITOR’S CHOICE)

至於HE-R1墊材主要係使用一塊特製既0.2mmmm厚碳纖墊, 加上32塊(PRO X) / 16塊 (PRO) ST-X 3D量子貼. 重量僅重約5克, 對所有CD轉盤可以話完全不受影響.

講起量子貼, 近幾年才應用到音響的一門黑科技, 我嘗試睇過有關量子的文章, 講真, 睇完都唔知佢講咩  不過量子科學用在音響上, 的確係有可聞的改善提升, 這相信是不爭的事實.

好似今次依塊HE-R1 PRO X (我主要測試都係依塊), 底面各貼上16塊量子貼, 加上碳纖墊. 使用在CD上, 已估到佢對於背景寧靜度一定會有好大既提升. 

不過既然代理拎得比我試, 我當然要測試一下依塊CD墊既功效.

俱樂部內, 使用的CD機分別係大廳既MSB  CD IV TRANSPORT + SIMAUDIO 780D DAC.

工作室內就使用MSB THE SELECT TRANSPORT.

兩部都係[抽屜式]入碟, 我只需要張塊HE-R1與CD相疊, 就可以按入碟鍵了. 而測試既軟件就用玻璃CD吧.

 

點解我要用玻璃CD去測試? 一來玻璃CD本身已經係最靚聲既保證, 我想知道依塊HE-R1有無能力令玻璃CD仲有得提升.
二來係玻璃CD既重量本身已達RED BOOK既規格上限, 我就係要試下加多塊HE-R1, 會否令到部MSB讀唔到碟呢?

聽感上加左塊HE-RI, 除左預期中既背景寧靜度變得更黑, 喺器材既細緻度都有所提升. 但依D改善都係我預期佢可以做到的. 反而我想講講佢有一個幾特別既提升, 就係喺整個音場都立體左好多. 你可以話係全頻既線條實淨左. 又可以話佢既質感強左.

坊間我試過既CD墊大多只能提升背景寧靜度, 但依塊HE-R1竟然可以提升埋細緻度與音場立體感. 我都估唔到佢咁堅.

    

而依張HE-R1除左可以使用在TOPLOAD 或 DISCTRAY既CDP外, 如吸碟式既CDP一樣可以用到HE-R1, 用家只需將HE-R1放在機頂, 就可以發揮量子貼既效能.

咁RIP碟又點呢? 如果你RIP碟既機係用緊TRAY的話, 咪好似我之前咁講, 將佢放喺CD面疊埋一齊RIP囉, 如果係吸碟式就HE-R1喺機頂. 一樣都有料到.

而我最近PAT PAT痕, 試過將這塊HE-R1放喺俱樂部既SEVER機頂. 得出既結果竟然都能令毛噪感大降.   但可惜我只得一塊PRO, 與一塊PRO X, 所以我聽CD時, 就將塊PRO X疊在CD面, 聽FILE時就將佢放在SEVER頂. 

所以話量子貼真係神奇. 我建議你地都要買番幾塊返屋企看門口吧.

最後, 咁依塊講到咁神, 又拎晒獎又剩既CD墊賣幾錢?

訂價: (PRO-X) $3200 試玩價$2980
(Pro)      $1600 試玩價$1480
代理: GURU ACOUSTICS
經銷: 旺角輝煌影音.

—————————————————————–
*** 提外話, 塊HE-R1放喺4K player機頂, 或與4K碟疊埋一齊PLAY, 聲畫都提升好多.

下次上黎試比大家睇下啦.

[官方測試報告] 最堅既CD調音墊-第六元素A.I.S HE-R1 Pro X

  • 目錄