其實之前一直有留意 AIM 嘅線材,因為佢專業廠商嘅身份,同埋多年來與各大型機構的合作夥伴關係,感覺上係貨真價實的品牌,只不過一直未見香港有代理銷售,又唔習慣網購音響類產品,所以慢慢就淡忘左呢個品牌,直到前幾日見到 AIM 喺香港終於有代理做宣傳,所以就同朋友上去代理陳列室參觀一下。

首先簡單介紹一下 AIM 呢間公司 ( 其實都係網上睇到嘅資訊 ) ,AIM 電子株式會社八十年代已經有幫助大型電子產品廠商生產週邊線材,還生產大型商用電腦網絡及視訊系統的連接線材,大型企業用戶遍及全世界,包括日本關西機場、大阪環球影城及日本最大電信網絡集團 NTT 等 …

設計理念上,因為 AIM 專業線材廠商嘅身份,除左線芯材質嘅特性外,仲特別著重各種屏蔽層的使用,廠方認為各種不同形式的外來雜訊均對數據傳輸過程帶來失真,所以便致力研究各種物料作為屏蔽層的效果,務求令數碼訊號傳輸準確無誤。

由於我玩串流嘅方式係由 Auralic Aries G1 用 USB 線連接去解碼,而音樂檔案係存放在 USB 外置硬碟盒連接到 Aries G1,並無使用 NAS 系統及音響級 Router / Switch,所以我只係買左一條 UA3 旗艦 USB 線同埋一條入門級 UAC USB 線,無買到佢地 NA 系列 Lan 線,不過我朋友就買左 AIM 旗艦光纖 HDMI 線 ,我自己無玩開 AV,所以得閒會上去佢度睇睇萬幾蚊 HDMI 線會有幾勁 ~~

UA3 設計特點 ( 代理網頁中文資料 ) :

–        使用單枝純銀線芯作訊號端導體傳輸,以表現高水準的傳輸特性
–        使用 Asahi Kasei(旭化成株式會社 ) 研發的特殊物料 PULSHUT ® MU 包覆每一組雙絞線芯,對電磁波進行吸收,以確保線芯導體的音色不會被外在雜訊干擾

–        使用高質鋁箔及高密度銅編織層對訊號及電源線芯每組分別作雙層屏蔽
–        訊號及電源線芯分別採用獨立扁平結構分隔開,保持兩組線芯之間的距離,減少電源雜訊對訊號傳輸的污染
–        考慮到聲音的傳播特性,兩端插頭保護層內均以 100% 包覆屏蔽 + 銅箔作雙層屏蔽

其實買呢條 UA3 之前都有少少驚,因為部份純銀線都有薄聲、低音不足同高音標嘅缺點,但係在家中系統開聲後發現 UA3 並無以上問題,在 Tidal 上聆聽 Ella & Louis 第一曲 Can’t we be friends MQA 32/96 檔案,UA3 單枝純銀線芯令 Ella Fitzgerald 的嗓音更加溫婉動人 ,小號的金屬質感強列但毫不刺耳,Louis Armstrong 聲音仍然低沈飽滿,整體音色不算濃郁但卻不斷在細節中透現出迷人色澤。

再聆聽 Mayte Alguacil 專輯 Day by Day 中的 I’m Gonna Lock My Heart and Throw Away the Key,Mayte Alguacil 高吭清晰而充滿能量的聲音,如果線材平衡度不足,人聲便會明顯衝前及浮噪,但 UA3 的人聲能表現出 Mayte Alguacil 的清爽甜美而能量亦洽到好處,Double Bass 的彈撥充滿彈性,表現出的形體飽滿適中並不會因為使用純銀線芯而顯得瘦削,鋼琴的琴鍵觸感晶瑩剔透,泛音亦細緻優美,旭化成株式會社研發的特殊屏蔽物料 PULSHUT ® MU 令音樂背景非常寧靜卻不會暗淡無光,各種樂器的泛音及活生感充足而營造出豐富的現場感。

另外 UAC USB 線我用黎取代本來連接 USB 外置硬碟盒嘅 Saec USB 線,感覺上細節更分明,背景寧靜度亦有提升。

總結黎講,雖然我手上並無更貴的 USB 線材作比較,但以 UA3 1M 三仟蚊左右嘅價錢,我就絕對滿意甚至喜出望外 , 與歐美品牌的中高價 USB 線相比,UA3 在音色上各自有聲音文化上的差別,日本線材比較著重表現人聲的色澤、細節上的質感與音樂背景的恬靜及安逸感,歐美線材比較著重大場面的權威感及極高動態,我覺得選擇線材時應該以系統平衡度去作出選擇,不過呢條 UA3 在我同朋友嘅音響系統表現都係正面的

順便加埋 AIM 中文網站資訊 :
http://www.micaudio.com/html/news/aim/AIM.html

 

https://www.hiendy.com/hififorum/forum.php?mod=viewthread&tid=131514&extra=page%3D1

 

  • 目錄