燒左十幾年, 第一次聽到條喇叭線可以令我有一份感動.
感動從何而來? 感染力超強?
非也, 感動源於喺發燒生涯上, 令我可以再上一課.
[Dr. E] 一個由香港資深音響從業員RAY親自設計, 選材, 製作的品牌. 由於這個從業員對發燒既定義, 比好多老行尊還要固執. 而憑著依份固執的性格, 就是感動我的其一原因.
Dr. E喇叭線共分兩個型號, 一個係本文主角ML-1, 另一型號係ML-2。
這兩個型號雖然價錢不同, 但並不是高低級之分。
ML-1係設計比大功放及大喇叭使用, 其線芯使用多股純銅而製。
ML-2則是設計比細功率細喇叭使用, 線芯比ML-1略少。
線身唔係太粗, 偏柔軟.
喇叭線中間有粒木, 上面除印有DR. E的LOGO, 這對於DR. E的喇叭線更有調聲作用.
第一, 這粒木一定要放在地板上.
第二, 將它平放在地板上, 會使聲音柔和, 順耳. 反之將它企直, 則令聲音變得立體實淨.
其他有關DR. E喇叭線的資料, 大家可以睇番數字馬田之前篇報告.
Dr. E設計師RAY哥, 從業高級音響超過廿年, 深明越高級器材, 更需要線材的匹配才能發揮器材潛能. 可惜喺佢咁多年既音響零售經驗裡, 發覺大多線材為了調節迷人的音色, 而壓制了某頻段的完整性. 此舉雖然可以用音色來取悅用家, 但反方向咁睇, 線材的音色就會遮蔽了器材本身的味道與壓抑了潛能. 所以Dr. E這品牌其一賣點就是沒有壓抑的音色.
其二, 就是市面眾多品牌的獨有音色, 某程度都會直接影響全頻的平順度與速度感, 所以有時會覺得某些牌子既人聲好有味道, 但這類特性既線材都係偏慢. 又好似有D線材既高頻好靚, 聽感上就會覺得佢既速度夠快, 但問題是依類線材往往的下盤量感都比較弱.
當然, 這並不包括現今最頂級既線材, 但如以三四萬既線材來說, 其主要問題就係上文所講. 有速度就無下盤, 有下盤時速度又偏慢.
所以, Dr. E的設計理念就是[唯快不破], [全頻平順].
市場上, 我聽過好多以[中性]作為賣點的品牌, 但無一條好似DR. E咁, 比到一份震撼的感覺給我.
那一份震憾, 原於DR. E的強項, 就是要做番線材應份的工作, [高速無壓縮轉輸].
我以這對ML-1接駁了DAD THE LITTLE BIG與AUDIO PHYSIC CARDEAS PLUS+之間, 聽左一星期左右, 我的聽感係…
原來我之前聽過咁多個不同品牌, 不同型號的喇叭線, 都係經過壓縮的聲音.
而ML-1就好似完全發揮了DAD THE LITTLE BIG的強橫推動力與控制力, 以及DAD獨有既中頻音色. 而對CARDEAS PLUS+用左ML-1後, 我可以話係我之前都未聽過對CARDEAS PLUS可以咁靚聲. 依對ML-1就好似將DAD與CARDEAS PLUS的潛能一次過釋放出黎.
音場深闊得以再度伸展, 音樂活潑有感染力。
低頻的量感與層次感都可再度提升。
後記:
現今線材廠為了調出一種獨有音色, 往往會將某一頻段壓抑,從而做到最易於被市場接受的聲音。
而我們發燒友成日就係為左果D音色, 而忽略全頻既平衡度。
今次這對ML-1的確令我對喇叭線材既功能再上一課。 我估計以這個取向的喇叭線, 暫時真係只得Dr. E一家獨有。
唔知Ray兄會否在這取向性再有突破呢?
代理: 峰日音響
價錢: ML-1 : $18,000 (3M)
ML-2 : $14,000 (3M)