好野, 又有新品牌可以測試了.

今次試既品牌叫Tchernov Cable, 中文名叫[切爾諾夫線], 來自俄羅斯.

我都係第一次玩俄羅斯既線材, 所以我都好期待俄羅斯這國家的音樂取向如何呢? 

由於第一次寫依個品牌, 所以我都上網做左少少功課  早於2002年, [切爾諾夫線]已經喺音響界亮相, 開始的既時侯佢地出左一批高階的訊號接線與視頻接線, 當時已擁有多項獨家技術既[切爾諾夫線]在同級對手中簡直係超晒班. 

至於依個品牌的線芯使用一種叫BRC [平衡精煉銅], 與市面一般使用的OFC [無氧銅]好唔同, 基本上係另一種造線既技術, 而[切爾諾夫線]所有型號都係由俄羅斯製造, 確保品質優良.   不過你地唔好問我咩叫BRC, 我上佢地官網睇過有關資料, 真係好鬼深, 你地有興趣就自己CLICK下面條LINK睇睇啦.

https://tchernovcable.com/zh/technologies/cafpe/

至於外觀上, Reference PC頭尾使用鍍金插頭, 配上淺金色線身

講真我都係第一次見有線廠使用依種淺金色線網, 視覺上已感到依條線好高貴, 絶非一般碳纖網貨色.

線身軟硬適中, 適合香港一般發燒友使用.

為左試一試依條對我於黎講既新品牌, 我決定將佢插喺PHONO, 前後, 後級都試一試. 睇下佢最適合既位置喺邊PART.

 

測試軟件 –
胡琳ME&YOU,

KOGAN MOZART VIOLIN CONCERTO no.5 K.216

測試器材

NOTTINGHAM ANNA LOG + SUMIKO STARLING
NAGRA VPS PHONO
NAGRA HD PRE
DANISH AUDIO DESIGN THE LITTLE

先試將REFERENCE PC插喺VPS, 第一聽感係背境勁黑, 人聲立體感增強, 樂器的定位與線條都實淨左.
正喎, 估唔到咁鬼粗既REFERENCE電源線都有咁既效果.  聽埋古典, 發覺依個[切爾諾夫線]既動態好強. 好硬淨. 低頻係偏向實淨類型.

再將佢插喺NAGRA HD PRE. 聽感上好似比插PHONO既效果更好, 尤其係力感方面, 聽大爆棚好鬼過引.  其他既特性, 同將佢插喺VPS既表現差唔多.

最後, 我將佢插喺部小猫仔THE LITTLE, OH…  咁鬼好力?! 點解隻小猫會大力左咁多? 

DANISH AUDIO DESIGN後級中最細部既THE LITTLE, 其輸出本身已經高達200w@8ohm, 推動FOCAL MAESTRO EVO本來已經可以控制得很好, 現在將條REFERENCE PC插喺小猫後, 除左大力左, 背境既寧靜度再上一層樓. 仲有一份低頻既彈跳力都實淨左.  而其他的特性與插喺前級時的反應差不多.

總結:

當我試晒將條REFERENCE插喺不同器材測試後, 我覺得依條俄羅斯金粉線最合適的位置就是用在後級, 拖板或電處上. 佢可以令你的器材增強背境寧靜度與力量感. 以一萬蚊左右既電源線來說, 大家真係要留意依個新品牌Tchernov Cable.

代理: 影音峰薈
價錢: $10800 / 1.65M
售賣點: 852 9162 2042

https://www.hiendy.com/hififorum … read&tid=132414

  • 目錄