HIENDY論壇上, 第一次出現TiGLON TPL-2000A係喺三個月前, TST123前輩話佢已買入這條TPL-2000A, 這令我十分好奇, 點解出晒名唔玩線材既TST123, 都忍住入手呢? 
就係依個POST, 我又要打比LABKABLE PETER大哥, 借條TPL-2000A返俱樂部試試佢既威力.
收到手既TPL-2000A係使用黑色紙盒包裝, 簡約精美
開箱後最搶眼既當然係一對FURUTECH FI-50 NCF, 大家無睇錯, 一條賣價$14800既電源線, 竟然使用NCF插頭?
拎佢上手, 發覺佢既線材柔軟, 啱晒香港家居環境。 講真, 個OUTLOOK真係好掂 至於佢既結構賣點, 大家可以睇番TIGLON社長的專訪VIDEO.
因為依條TPL-2000A喺HIENDY已經好多POST講, 所以我今次都唔講太多, 直接飛去測試報告吧.
使用器材
MSB THE SELECT TRANSPORT & DAC
NAGRA HD PRE
DAD THE LITTLE BIG MONO POWER
Audio Physic Cardeas Plus
由於TPL-2000A可以用喺唔同器材, 所以我今次用佢分別插左三個位置. 詳情如下.
MSB The Select DAC
一切以訊源開始, 當我插左條TPL-2000A喺部SELECT DAC後, 聽返2019最新既音展SACD. 其中我覺得錄音最靚既第七首”歌聲與微笑”, 喺插左TPL-2000A後既空氣感強左起碼20%, 背景寧靜度超強, 合唱團的企位亦清晰了. 喺人聲方面, 我聽番第一首既[親密愛人], 軒仔把聲依然咁厚潤, 不過好明顯條TPL-2000A喺中頻既分析力係提升了. 不過就無令佢變厚. 至於低頻, 我就拎番隻MUISCA NUDA出黎聽, TPL-2000A喺低頻既表現我最欣賞, 佢能夠保持量感之餘, 提升了分析力與加強跳彈力.
總結TPL-2000A喺數碼訊源方面, 佢係可以保持器材原本特性之餘, 明顯提升分析力.
NAGRA HD PRE
自HIENDY俱樂部開幕到現在, 這NAGRA HD PRE AMP已經有煲夠半年, 喺依半年裡, 我試過不同電源線配搭佢, 大致上都唔會有太大問題出題, 基本上這部NAGRA HD PRE就是咁百搭. 當配上不同電源線, HD PRE就能夠好清楚話比我知, 這條電源線的特性如何 . 好似今次我將條TPL-2000A插入HD PRE後, 聽一首爆棚與一首人聲, 得出的結論係TPL-2000A用在前級上, 其背景寧靜度與分析力可以用嚇死人級數來形容. 一D我平時聽唔到的弱音與樂器的細微聲音變化, 都走不出TPL-2000A既強勁分析力之下. 而最吸引我既高頻, 聽小提琴獨奏時, 輕輕有一份好飄逸既尾音出現. 依份咁獨特既飄逸, 以我記憶, 現今眾品牌中, 沒有一個品牌有這份聽感, 這可能就是鎂金屬的特性?! 
當然佢既分析力係全頻都咁勁, 低頻既分析力令到層次感大增. 當然, 你唔好期望佢喺中頻會有所美化, TPL-2000A只係有碗話碗, 有碟話碟咁表現出黎, 並不會增強中頻既厚度或水份.
最後, 到DAD THE LITTLE BIG mono block POWER AMP.
上次訪問TIGLON社長, 當佢知道我用緊MONO BLOCK後, 話留多一條TPL-2000A比我插MONO. 佢仲話TPL-2000A插後級真係必定要試, 試完後一定要話比佢知測試結果呢.
結果依兩條TPL-2000A就咁插喺對猫仔MONO後, 亦因為社長對這個測試咁重視, 我拎左好多張CD出黎測試. 當中包括中樂, 古典, 人聲
TPL-2000A喺後級的表現, 其實同之前插喺MSB或NAGRA時既表現一樣, 都係全頻分析力提升, 低頻層次感與彈跳力最為增強. 
不過有樣幾明顯既係佢既音場表達, 在後級中, 音場明顯係深闊更多, 這極有可能係佢既屏敝真係好堅.
總結: 我終於知道點解咁多老友都愛上TIGLON TPL-2000A了, 佢簡直係超晒值既電源線, 如齋以寧靜度來說, 佢已達現今最頂級線材之表現 , 而佢另一賣點就係要在咁寧靜背景中, 凸顯了全頻線條既實淨感覺. TIGLON這品牌獨有鎂金屬環令音色上舖上薄薄的光澤, 尤其係高頻的尾音極靚, 低頻既層次感及伸延亦能達到一級水準, 加上佢線身既賣相及高貴既FURUTECH NCF頭尾插, 
仲有最勁係TPL-2000A基本上適合任何器材位置, 唔怪得咁多HIENDY網友一買就買三四條TPL-2000A啦.
以其售價$14800 (2M)簡直係賣大包. 你地未入既話, 快D搵LABKABLE PETER買番條TPL-2000A一齊玩啦.
