今個舉辦「XTZ勁爆迎聖誕」活動，原因當然係想會員聖誕有聖誕禮物啦！雖然沖沖上馬，但都引來十五名會員參與，經過唔專業嘅調查，答案大都係想聽清楚XTZ嘅潛力，趁著聖誕優惠帶佢地返屋企共渡聖誕新年，喺親朋戚友面前威吓。過去；百事佬大多數用XTZ喇叭系統配上合併機演示，但今次因為XTZ擔正主角關係，我當然要將佢最好嘅一面呈現出嚟啦，今次用上安橋PR-RZ5100前級 x 大地震 cinenova grande 7後級組成7.1.4，絕對係「力」與「量」嘅保證，訊源唔使講一定用到最極，先鋒UDP-LX800 4K播放機是也。 活動開始先由我百事佬為新會員介紹一下俱樂部陳設，然後就進入主題續一介紹XTZ Cinema系列喇叭：

百事佬見今次活動老、中、青都有，即時揀選三個世紀(DVD、BD、UHD)碟片播放迎合大家，由雷霆救兵、超能特工隊、蔡琴演唱會到職員特工隊，最後梗係有最Update嘅狂野時速外傳啦！

爆咗幾套機，有會員提議玩吓SINE接線同釘墊，鎗王同行動豬賓異口同聲講話「你想死唔俾你死咩」，就即時A/B比較一下，真心講，睇唔到有改善嘅，恭喜你！你可以慳番D錢！哈哈！

爆吓爆吓又過鐘，走咗兩個會員先記得影大合照

完咗show喇，你地做乜仲唔走黐住豬賓呀？原來個個都係問價當中，亦收到好多會員問XTZ另外兩隻薄身環繞聲型號，包括95.22同埋Spirit 2，問有無機會將佢地帶到俱樂部試聽吓，有要求我當然要做野啦，努力中….

XTZ聖誕優惠仲有個多星期，有興趣嘅會員就唔好錯過機會喇…
https://www.hiendy.com/hififorum … &extra=page%3D1