兩聲道好耐都無攪研習班了

原因當然一部份係我懶惰啦.  仲有個最主要原因係做得研習班的講者, 大都是超大忙人, 好難約佢地.

講笑咋! 只要HIENDY會員對研習班有興趣, 我都會盡力去搵多D老行尊黎俱樂部分享佢地玩機既經驗.

今次好多謝聲望音響老闆EDWARD及高級經理PATRICK能抽空到訪俱樂部, 為大家介紹DS AUDIO最新產品.

唔講咁多啦, 我地睇相片啦.

由於今次既活動喺俱樂部舉行, 所以器材方面, 除了聲望音響代理的DR.FEICKERT ANALOGUE FIREBIRD唱盤, Acoustical System Acoustical Systems AQUILAR 12″唱臂, 仲有今次既主角DS AUDIO E1唱頭唱放及DS AUDIO ION-001靜電處理器.

前級使用NAGRA HD PRE AMP

後級係DANISH AUDIO DESIGN THE LITTLE

推動VERITY AUDIO OTELLLO喇叭

電處使用SHUNYATA DENALI 2000T

全家幅

一貫開場白由我多謝大家到臨與及介紹HIENDY俱樂部的設施

之後就到主角中的主角出場 – 聲望音響老闆EDWARD

EDWARD頭段先介紹DS AUDIO光學唱頭的設計概念及再三講解DS AUDIO的唱頭係模擬唱頭, 並非鐳射唱頭.

之後就介紹DS AUDIO最新的ION-001靜電處理器. 在場比會員親身感受開著與關掉後的聽感.

在場的會員都好留心聆聽當中變化

最後, EDWARD還分享好多調較唱頭唱臂的小秘技與基本概念, 大家都好留心聽書.

今次真係好多謝EDWARD黎到俱樂部分享佢玩黑膠既經驗, 令兩場的分享會與研習班都爆滿.

信相有到場的會員都好滿意今次的安排, 最後大家黎張大合照.

完EVENT後, 很多會員都唔捨得走, 原來係佢仲有好多問題想問EDWARD呢. 哈哈.

見大家依依不捨, 好似聽唔夠喉, 所以我喺兩場的分享會尾部, 應承大家黎緊依個星期, 我會攪多兩晚黑膠分享會, 你地記得留意HIENDY啦.

Categories: Feature, 活動花絮區
  • 目錄