因較早前購入了電源線，對其表現喜出望外，所以請求了代理借出speaker cabe試一試
           
其實此線一插，嘩！啲聲做咩好吃似鼻塞咁，啲野唔放，高音又去不盡，所以當時都冇咩心機出包交！唯有花時間煲煲佢，煲線期間真係好辛苦！ 直到今天我認為條線都未到最佳狀態，但今日得閒就分享一下啦！條喇叭線同電源線一樣我覺得都係冇咩味精，完全聽唔到啲野甜咗，但第一下吸引就是個種密度質感，你又唔覺得中頻是特登加厚咗，自覺是通透咗但唔覺乾，一切來得好自然，聽diana krall live in Paris 個種現場感好真實，好真實，jazz 氣氛變得很好，所以自己覺得啲野出來好熱情，自己好投入，話咁快聽完成隻！跟住到friday night in San francisco, 噢！結他顯得很通透，能量感強且速度很快！結他有啲似飛出喇叭來！ 跟住又聽下學友隻不老的傳說，葬月這首歌反映動態增強不少，每一下都好震撼，一些感覺開始支結他又好幼細地輕輕彈出來，當然學友把聲更加有味道！條線我諗煲落去仲更加放，但總括而言，此線能平均增加三個頻段但沒有加任何味道，如覺要高音多啲想搵線幫，我諗佢未必得，因佢冇突出特別一樣，可能最覺是質感！令到啲野live咗氣氛都熱情咗添！最慘自己剛入電源線!

評分