早前小弟又換DignityAudio喇叭線, 又換Siltech Explorer 訊號線比CDP, 搞到套機啲聲唔同晒,  之前用條Sommer 4mm夾落int.Amp 度都覺得幾啱聲,  依家IC 同 SC 都太中性, 搞到聲音菱角畢現, 中頻削薄! 真係揾自己黎搞…..  計落都應該係 int. Amp 條 PC 出事, OMG… 又要尋找合式電源線之旅, 問啲玩開兩聲道嘅朋友, 什麼 Vovox呀, Kondo, Cardas, entreq 等等都被人介紹過, 真係聽到我頭都暈埋; 正所謂, 讀萬卷書, 不如食萬寶路, Oh…sorry, 行萬里路至真! 都係要去旺角抖抖氣, 更新下自己個影音hard disc先, 先去添置洗下樓, 揾下Joe哥吹吹水, 搞搞震, 咁當然係齋吹唔買啦~! 行行下, 就游左落[揸的士], 聽人講話嗰道啲sales好鬼串, 但係我一入到去就已經同我講隨便睇丫, 心諗…唔通我靚仔啲!  見佢咁有禮貌, 啱啱面前係Transparent嘅櫃, 我就問下佢呢個牌子嘅特性喇, 佢又好有心機解釋我聽喎, 吹左一大輪, 其實都無心買, 難得sales哥哥一啲都無黑面, 抵讚! 行咗落街, 諗住搭車返歸, 但係諗下諗下, 咦! 頭先sales 哥哥介紹條Transparent PC 啲特性我應該啱用喎, 如事者, 又行番轉頭, 埋身問價, 得知旗艦嗰條PC都係萬幾蚊, 我睇中條Premium更加只需五份一價錢, 好… 唔該包起佢!

Sorry, 廢話好多,
煲咗百多粒鐘, 都係時候分享下聽感:
呢條Premium Powelink 我用落Int.amp 度, 用落player 亦得, 第一個感覺係, 用咗呢條線之後背景又黑又靜, 相信係線身上的盒仔發揮作用, 把外來的干擾及電源雜訊一一濾走; 音場闊度跟我已往相約, 但深度有所增加;  Premium 係 Transparent 嘅電源線第二級, 對上仲有Reference Powerlink MM2X 同 Powerlink MM2X,   Premium 我感覺佢力度唔算太強, 低頻有線條, 但量唔算多, 延伸亦中規中舉; 聲音微暖, 高頻分析力唔錯, 整體來說這條線都是偏中性, 個性不算太強, 總算樣樣齊, 雖然初次用Transparent 的線, 但係感覺呢個牌子係相當實際而可靠,
謝謝收看!