玩了幾年HiFi, 每次線材都偷運入境，莫講話開箱，有時連箱都唔攞 。但呢期老闆夜返，緊係慢慢影返幾張相同大家分享下。

話說換對原廠Triangle腳架後，大部份不滿尤其是低頻Boom已大大改善。但每每換一樣器材/配件，總要有啲嘢需要微調。由於Triangle腳架是直接放在地磚上，有位熱心的論壇高人PM我，話地磚加石屎密度唔夠，會導致聲音密度都唔夠。高音會叫，d聲虛虛哋。嘩！咁大鑊，二話不說即買即墊兩塊金沙黑麻石。情況真係大為改善喎！但又有新問題，有d碟有時會發出「死光式高音」，Horn功力唔夠真難玩，人聲三頻雖然清晒，但又好似無韻味，所以都係買返條味精嘢加返味先……