係復活節期間，無啦啦有人比兩喼野比我

話有好野比我試玩下，係咁讚口不絕:好X抵玩，玩完包你升天
我覺得有無咁堅呀，又吾知果兩喼野係咩泥，不過呢幾個月我又無玩過d咩HIFI野(呢排小弟沉迷打機中)
見復活節有咁多日，就拎泥玩下啦，當有d野zip下時間假期無咁悶

兩喼野吾算好重，每個大約廿令磅左右，不過由中環拎返元朗都幾係野
返到去即刻打開睇下係米d咩ODIN神線 點知打開睇只係見到一舊二舊黑色野

原來係一套前後級，仲要係MONO後級，size仲要細過我用緊果套nagra
點都好，咁辛苦拎左返泥點都玩返夠佢
(未完後續  )

下集～～～～

話說我拎左2喼野返屋企試，一開喼之後發現原來吾係神線，係3件一套既Kharma Matrix full set
橫點都拎左返泥，就聽下呢套野有無料到啦
最麻煩就係拆線換機，雖則nagra同Kharma Matrix都係細細部同輕身，但都真係幾X煩，所以我真係幾佩服d師兄成日換D大大部百九幾磅既器材,換幾日又話玩嫌又台過另一套泥玩

好啦，個單春FE架擺好哂套Kharma Matrix full set，視覺上好似個架突然吉哂 因為套野係黑色，同埋體積比nagra更加細部，我覺得可以用一塊大既墊板，一次擺哂上去都得，咁睇落都好睇d

先講下部前級先，拎上手都幾墜手，外殼係一整個鋁車出泥，因為我睇吾到機身圍邊有駁口同鑼絲位，而蓋口位置做左係機底，所以睇Kharma Matrix前級外型可以話係極之簡約，無特別花巧花紋同裝飾，但我覺得個設計都幾襟睇
不過我覺得呢部前級有個極大缺點(以我個人覺得啦~)就係個Vol連mark位都無，我怕有時吾覺意比d壞人or小朋友鈕到最大vol，一開機就見到對喇叭好似1812咁開炮，單完直飛去皇帝位

而對mono後級外型……. 其實可以吾駛講佢，我只可以形容佢係一對磚頭

重點到~~~講下Kharma Matrix system既音色，以係我果度既setting呢講，Kharma Matrix system係屬小小暖調，我先用泥聽現時既流行曲，都係容易入耳既音色，而且分析力非常好，當然以佢係kharma system最入門系列泥講係吾可以話超越市面十幾萬一套既前後級，但以佢能力，我覺得可以同好多大牌子80K內既合併機比較，加上以我所知Kharma Matrix 既賣價係非一般低價，用呢個價玩到前級+MONO真係諗都諗吾到…

後級細細部，不過我開到Vol 10已經有合適既音壓，佢推我對Gemme audio katana一D都吾係問題，因為佢本身都係display推kharma對DB-7，呢對喇叭仲難推過我果對

雖然我好似係咁有讚無彈，咁佢當然都有佢缺點啦，首先以我setting玩，佢音場係明顯較窄，層次感比之前差D，但我心知道Kharma Matrix 既賣價後,有d位我吾可以太過強求，話哂佢而家係我用緊套野既一半價$，以價論貨，我覺得都無話可說，加上我聽聞代理會連一套Kharma Matrix system再送3條Kharma Matrix PC，呢d咁既優惠真係抵到吾識形容