好多謝各位會員參加Hiendy蛇年發財春茗暨新春團拜! 同過往Hiendy舉辦嘅節目一樣, 大家又係喺一片歡呼聲下好快咁渡過! 不過今次同過往節目有少少唔同, 就係所有出席嘅網友都冇空手而去, 有人仲要抬好重嘅嘢走….
真係要多謝各個贊助商送出咗咁多嘅豐富禮物!

當然開場白梗係交俾Wingchow同百事佬嚟做啦!

由Wingchow同百事佬同大家飲番杯同拜年,
祝大家日日有機爆、月月有箱開、鄰居無炸形、vol任你開…

第一個遊戲 – 每隊派三名代表, 鬥快將食物從額頭送到口中, 毛記決戰一分鐘食嘅係薯片, 我地係Hiendy, 當然食物都High D 啦, 分別有老婆餅、叉燒酥同埋合桃酥 … , 而勝出隊伍可以摘兩粒骰決定佢地可以攞幾多封鴻運利是

 

勝出隊伍係第一隊, 串燒三兄弟派大佬同細佬出馬, 加多個阿bob, 好快就將三件美食由額頭運到個口度, 相信佢地一定係好肚餓… 咁快! 底佢地先拔頭籌先抽四封鴻運利是啦…

 

玩完第一個遊戲, 係時候醫下個肚先啦!

 

 

 

 

由Wingchow頒贈獎品予”Hiendy器材攝影研習班作品選舉”投票幸運兒 – mpv

跟住開始第一輪幸運大抽獎!

 

 

 

 

 

 

 

 

 

 

 

 

第二個遊戲 – 原本遊戲設計係每隊派三位代表, 圍圈將瓜子隊俾隊友剝, 三份鐘內剝得鬥多, 不過隊員話隊俾人剝難度太高, 最後改為自己剝自己…..粒瓜子…

 

唔好以為大家差唔多, 其實第二隊三分鐘只係剝得三粒…

又係第一隊勝出, 今次佢地摘到兩個六,一共可以揀十二封鴻運利是

 

第二輪幸運大抽獎

 

 

 

 

 

 

 

 

 

 

 

 

 

 

 

 

第三個遊戲 – 每隊派出兩個代表, 兩分鐘內用身體任何一個部份將十粒冰整溶, 最多水果隊為冠軍

 

咦~點解百事佬”鐘”咗個頭落去嘅… 唔通佢心臟病發…

頂, 原來佢用埋把口去咬冰, 咦….! 真dirty….

 

三杯都係奶白色, 你地話幾核突呢…

今次係由犀牛同lulu sir代表嘅第三隊勝出, 由於係最後一個遊戲,可以擲三粒骰, 總共可抽13封鴻運利是

 

玩完所有遊戲, 大家都急不以待去拆鴻運利是

 

你睇犀牛仔嘅笑容, 就知佢攞到鴻運利是係幾開心啦…

最後一輪幸運大抽獎

 

 

 

 

 

 

 

 

最後當然唔少得大合照啦!

多謝咁多位會員參加蛇年春茗, 下年馬年再見嘞, bye bye …