疫情肆虐，外出家訪可免則免，連帶掃舖嘅興致都減低。年初七政府宣佈放寬限聚令，百事佬趁機走出去尖沙咀星光行搵Desmond同KK拜個年吹吓水，不去不知，原來POMA寫字樓自上年七月已經改為陳列室，開放俾客戶參觀試聽。Desmond好客氣咁逐套逐套器材開俾百事佬享受一番，有兩聲道亦有Soundbar，當然唔少得家庭影院部份啦！所有組合分別合共不過兩萬，絕對適合入門玩家，而家仲有一條龍服務，試啱影音組合可即場選配埋HDMI線、喇叭線及電源線等線材，聽完啱口味嘅歌又可以入埋隻碟返屋企慢慢歎，認真細心。如果想聽真D器材嘅底蘊，試音房做齊房間管理，保證喉嚨「定」果粒音都聽埋…
 |
POMA位於星光行10樓1033室
陳列室內放咗幾套音響組合
呢個架配套包羅萬有，用家唔使四圍搵舖頭買相當方便
MONSTER HDMI CABLE擁有ULTRA Certified Cable認證，七百蚊唔使就有條2M HDMI線，相當抵玩
仲有其他長度任君選擇
CD各類型曲種都有，梗有一隻啱你口味
呢個試音房投放唔少錢做房間修正，試器材無得彈。當日同槍王試全套LEAK推Onyko書架喇叭，音場闊，聲音晶瑩通透，雖然低頻量有D不足，不過要喺呢間試音房出到強勁低音一啲都唔易，更何況呢對喇叭仔只有四寸低音，有呢個效果已經不俗。各位會員，有興趣都可以喺09：30 – 12：00；13：00 – 17：30上去聽吓歌睇吓戲，不過唔見錢千祈唔好賴我百事佬就得嘞….
