今日再去阿黎屋企聽野，和上次比較最主要變動係由 dCS頂班 轉左 Wadia頂班，另外再加左隻 Wilson Audio Thor’s Hammer，玩開都知係兩聲道加上一隻 sub ，如果要搞得好，係有一定難度，究竟聲音如何，大家一邊睇相，我一邊再講吧！

先黎大合照，影依張相時我要搵一處地方可放平部機影，但阿黎搵唔到腳架借比我，所以影得唔好唔好賴我

跟住就係 Wadia頂班 CD系統，四件頭，四條 powercord ，買 powercord 都買窮你，問你怕未，我問過阿黎 dCS 和宜家的 Wadia 有何分別，他說 dCS 的高音較薄一點，在他的系統會比較機械聲一點，由於他用 JBL Horn ，所以高音會比較叫，但 Wadia 就沒有這些問題出現，再用上四條由鄺大俠近期極力推薦的 Transparent Cable Powelink MM2X，阿黎說簡直係如虎添翼，插野難飛(即插左落套機，好難拆返出黎的意思)

阿黎的新歡，我覺得好鬼型仔的 Wilson Audio Thor’s Hammer ，雙十五吋單元，身重四百多磅，五條大漢搬到隻野咁先搬到入阿黎的發燒廳，不過阿黎就唔係在意他個樣子而買的，只係聽聲收貨，聲惦就比錢，唔洗講咁多，代 理之前用 Ayre 推 Thor’s Hammer ，但阿黎覺得低音較淋，現在他選用專業級的 Crown 後級，出來的效果他非常滿意，聲音經調較後和一對 JBL D66000 非常合拍。其實原先阿黎是想買 JBL 的 Sub ，叫得做 JB黎 就緊係要買返 JBL 啦，聽聞 JBL 專門 for 66000 的 Sub 亦都開發完成，只欠生產，但無奈地等了又等，等足三年也未見終影，所以最終也轉投 Wilson Audio ，不過阿黎亦因此感到自豪，因為一眾 Wilson Audio 富豪用家遲遲還未行動，而阿黎搶先購入，可謂眼光獨到，我聽聲後更覺得沒有入錯貨

拉遠 d 睇下比例

再遠 d 添，靚仔到呢，有錢多麼好

除左個罩的 Thor’s Hammer ，單元用膠邊，條邊好鬼粗

上兩次都唔記得影既 Clearaudio Statement，今次影返

聆聽環境，樓底勁高

後記：
之前都去過阿黎度幾次，阿黎對聲音有一份執著，他也好清楚自己要 d 嘜。我聽完後覺得，今次係阿黎系統既聲音新特破，絕對可以體驗到當一隻 sub 加入兩聲道成為 2.1 並調較得相當有水準後的表現，我個人認為今次係在阿黎處聽到表現最好的一次！今晚過得很愉快，大家也傾得很開心，真係想再傾耐 d ，但無奈同行友人明早要返工，所以今天到此為止，希望下次再 happy 過，多謝阿黎的邀請及招待

https://www.hiendy.com/hififorum/forum.php?mod=viewthread&tid=15254&extra=page%3D3