全新一輯超牛家訪報告…..DT825之家 ~ by supercow : Hiendy.com 影音俱樂部

全新一輯超牛家訪報告…..DT825之家 ~ by supercow

好久沒有在此網站和大家分享家訪體驗. 今次好多謝DT825, 在旺角一路車我到佢家, 還請我吃了一餐, 真係又食又聽….萬分多謝…

今次試聽的系統, 除了我很喜愛的麥景圖外, 其他器材線材我都不大認識, 所以我帶著很開心的心情到訪DT825家…哈…..由試CAS開始到黑膠到CDP…差D返唔到屋企睇三國..(註: 又係要多謝DT825車我返去)…

讓各位久等啦…今日忍唔住寫左個報告…其實昨天晚上回到家裡, 睇完三國..(劉備真幸福, 有個靚老婆. .), 已經想開工寫報告啦…但最後都想等一等, 等我聽返自己屋企SET 音響…再回憶下DT825家裡的聲音…再寫分享報告吧..

今次家訪DT825之家, 係我音響旅程的一個重要體會….點解…因為實在係好好聲.. …

首先, 係環境, 屋主好用心去SET自己的寧聽環境, 喇叭離場最少都有五尺…令到整個音場非常立體, 舞台完全展示於眼前….不錯, 這不就是玩音響最重要的因素嗎? 可以有這樣的環境去聽音樂, 實在非常非常幸福….

其次, 係另外驚喜萬分的….KHARMA MIDI SPEAKER…..(註: 我已請網主WINGCHOW打聽KHARMA香港代理, 看看我可否把佢接過門. )…

這是我第一次在用家家中試聽呢對SPEAKER, 對上一次, 是在KINGYAN家中聽的MINI…不過, 這次給我的震撼性, 實在大得多…呢對喇叭展現出來的聲音, 實在非常高貴, 而且在高貴中帶著非常清晰的音樂…低音自然而厚實….好像一個非常美麗的少女, 著住非常華麗的衣服, 站在我的面前, 高歌…相比起我用的FOCAL 喇叭, 清晰度有過之而無不及, 但就沒有那種高貴的感覺…同樣是非常美麗的少女, 但就沒有了華麗的衣裳 …當然, 喇叭的價錢相差超過三陪…這樣比較實在不公平…但我們發燒友就是這樣…..一聽中毒, 最慘係佢的SIZE絕對可以入到屋…..實在令我有好想好想擁有它…..

另一個我非常驚喜的, 是麥景圖MC-601..不錯, 我是麥景圖FANS, 用了佢產品超過四年…亦好滿意..但我萬萬想不到, 可以滿意到這一個地步…..呢一代的麥景圖, 有著厚實, 速度, 動態, 音場…佢推到對KHARMA好似唔見左, 只係聽到音樂, 舞台…..動態音場做得亦非常好…我實在萬萬估不到佢可以做到呢個程度…當然, 如果和頂級歐洲機相比, 佢的音樂感, 細徵度還差少許…但老實講, 我已經非常之滿意了….幸好..我兩個月前都入左部MC-452, 睇來我進一步走入KHARMA的機會又高幾分了.

而最後想講的係SOURCE..今次聽過EMMLABS CDP和CAS產品…而黑膠就係來自美國的VPI (其實我唔係好識.. )…而SOURCE令我最驚喜的, 係EMMLABS……佢CAS同CDP做得都非常好..如果講高清, 佢完全不及我們KACHOW的P02/D02, 亦不及WEISS JASON那種北歐美麗自然, 但佢分折力都好高, 而同時有著一分音樂的連貫性…聽音樂好自然舒服….我尤其喜愛佢CAS的表現, 再加上DT825用心做的音樂庫, 拿著部IPAD…選歌, 聽歌, 好鬼死正頭.. …