前言 :
呢件東西 , 曾經已有師兄分享過 . 主要功能係幫你去盡量拉直條低音嘅曲線 , 去令到整體聲音更加平衡 , 聽到更多細節 . 坊間嘅低音修正器都有好幾種 , 究竟呢件幾千蚊野得唔得呢 ? 睇過其他網頁 , 好似口碑唔錯 . 自己比錢買件嚟試吓 , 為一眾Hiendy會員出一分力 . 等大家早日設定好 , 最頑皮的重低音 !
呢件野最適合幾種人士 :
1) 前級沒有自動修正 (重低音) .
2) 重低音設定單調 .
3) 放在房內兩邊牆角 .
4) 低音大而矇及轟鳴單一 .
5) 1~4隻低音同時處理 .
6) 重低音沒法移動位置 (死位) .
7) 唔識調校重低音 (好似我咁) .
如果你已符合以上幾點 , 我試咗 ! 我可以話比你知 , 你值得擁有 . ( 重口味除外 ) 正所謂有圖有真相 , 睇下多唔多分先 ~ 
先嚟開箱圖 :
主 / 副兩位功能 – 主位置就係你的皇帝位 , 所有調教主要依據此位定立 . 而副位可同時能享受到同主位一樣效果的音質 . 令低頻效果更有擴展性 .
同時設定1~4隻低音 – 本機已有兩個RCA出為0 / 180 , 可接兩隻低音處理(其中一隻要反相) , 你可以再加Y挿去到4隻低音 .
低通功能 – 設有60 / 80 / 100 / 120 / 140 幾種 . 18db / octave .
Lifting EQ – 特點係推大指定頻率去盈做豐滿低頻氣紛 . FLAT / 15~25hz / 20~30hz / 25~35hz . max 8db .
設定注意事項 :
1) 低音請你放到你房間最大聲個位 , 由其牆角 ! 如果向前都唔夠聲 , 你可以試下反轉打牆 , 取其最大聲量 .
2) 重低音本身音量在CAL時請先回10點左右位置 , 要注意測試聲都非常之大 .
3) 重低音先行一次8033S-II先 , 之後先到前級一齊再CAL .
4) 設定之後 , 可以因個人口味加大返低音音量1~6db .
5) 如果沒有自動(低音)效正的前級 , 請你以實際喇叭距離去加返90cm左右 .
6) 此機最大功能係cut peak , 填 dip唔係佢強項 , 請盡量去peak高你隻低音 .
7) 如果CAL完主位效果唔理想 , 請你CAL多個副位去修正主位 . 但小弟試過單CAL一個主位效果最好 .
8) CAL的時候 , 主位要15分鐘 , 副位要10分鐘 . 唔好諗住留低 , 聲音非常轟鳴 , 請盡快離開 .
9) 唔好諗住手持支咪去CAL , 請用支架去固定 . 我自己用咪指向低音設定 .
10) 8033S-II沒有開關功能 , 要關自己關電掣 .
11) 8033S-II輸出線材 , 盡量以層次分析力型線材去接重低音 .
當然上面提到的東西 , 我都有圖 . 前前後後玩左件野4晚 , 終於可以調教到自己比較滿意的低頻 , 當然唔係十全十美 . 但好過以前好多 . 我又要睇返之前D藍光碟了 . 哈哈 !
以前我有幾大單 ……… 有無人要白花油 !
初回修正完的曲線效果 –
主位 / 副位修正曲線圖 –
Lifting Mode 15~25hz –
Lifting Mode 20~30hz –
Lifting Mode 25~35hz –
整體能量分佈圖 –
最終修正曲線圖 Main + Sub ( 位置左右兩牆角對開 ) –
個人總結 :
提醒一下各位師兄 , 先評估一下自己對低音的要求 . 修正器做出來的效果唔係強勁的低頻 , 是一種似有還無 , 但你又感覺到低頻沒有不足 . 總是要出現時出現 , 安靜時安靜的效果 . 聽多很多低頻層次變化的結果 . 你會感到低頻是爽身靈活的 , 會走動會移動的 . 有些感到低頻像環繞聲一樣 ! 從前開到95db感覺會好嘈吵 , 一直以為係主聲道作怪 , 現在聽起上來條理分明 , 越開越有 ! 從前聽Madonna “Give it 2 me”中段的幾下強勁低頻一直是一下一下的重低頻 , 現在聽到一下褢面原來有五下變化 ! 而以前Batman “Rises” 一開頭架死人貨機飛過真係想死 , 現在不論移動感同能量感都同你畫面所見的恰如其份 ! 非常之正 ! 仲有最後以前震到百佳嘅Prometheus , 開唔到個VOL去95db聲去聽的第一track , 宜家舒舒服服 ! 之後聽多好幾隻碟 , 原來聲音變化是這麼多源 . 我很喜歡 ! 最多再加多2~3db我諗我已經心滿意足了 !!!
