話說上星期五晚得到Hiendy網主們協助及廠方大力支持下,得以借到呢部Pioneer最新到港既VSX-LX53 AV擴音機供小弟測試及試玩,在此一再向及廠方致謝!

(開箱篇)


原裝行貨包裝.

配件.

全裸照.

視頻音頻晶片組.

牛牛.

電源輸入.

功放及散熱.

背面輸入…

睇住咁多先,食飯去…. 

飯後繼續..

有前效果輸出.

5in2out HDMI port.

正面照出場勒.


面版質感十分不俗.


起好個壇先…

開箱篇到此為止勒! 

(試聽報告)

首先簡單介紹下呢部機,LX53屬於傳統AB類放大機有別於7系或8系用ICE power作功放…另外當然有追加當時得令對應3D功能,前置效果一樣跟得上潮流,PQLS石英精準功能,對應網絡功能及有針對一眾i phone用家既I control功能,加上110W x 7ch功率以上多功能設備應該付合到大眾期望…
試聽配搭..
前置:klipsch RF52
中置:klipsch RC52
後置:klipsch RS42
超低:mk SB-12
碟機:pioneer BDP320
HDMI線:player去amp用 VDH 藍色ultimate / amp去tv用wireworld
喇叭線:前三條用dali red wave / 後用inakustik
電源線:amp用oyaide 2.0配頭尾004插 / player用oyaide PA22 8字頭廠線.



小弟家中set up較為簡單只可以測試到5.1較為可惜…經過一輪調整mcacc後開始試聽左隻(狙魔人)聽左頭幾段,火燒大風車,大隻變型醫生,聽落燒大風車加埋人雜聲氣氛都出得唔錯,大隻醫生怪叫時中置出既咆哮聲十分之有力感同人聲質感,去到男主角座馬車入城場口及市集大戰魔女一段,馬車移動速度感不俗但略為分析力尚差一點點,市集放箭可以試到定位及連貫性…出黎既效果亦都合乎表現,以上測試時我又反覆開關個虛疑前置效果及後置玩玩,聽落虛疑前效果好玩dd…如果家中玩唔到真實前效的話呢個功能確實唔錯….
跟著再試一隻topgun主要再試玩佢既虛疑前效果,開與關反覆誠過,發覺開左會輕輕幫到前面氣氛連飛機起機都抽高左喎…

跟著再黎試試隻(叛逆諜戰)揀左三兩個戰鬥場面試…試一試我鐘意既槍聲同場數彈殼,出黎槍聲質感有係度,但如果同我部LX81比較的話,後者速度高一d彈殼落地金屬聲踩地既沙石聲亦都比較突出細緻,子彈方向感定位亦都係81較強….但係有一點我係試唔到既係PQLS multi功能,由於我部player係舊款320所以試唔到呢一樣野,有可能on到呢個功能後會增加番分析力分隔度都未定…
接著我試左PQLS 2ch功能用黎播cd(我部320只對應2ch)….碟用今年hifi show果隻碟作參考.小弟木耳聽落用PQLS絕對有一定成效裡面既分隔度場面深闊都有一定幫助,關閉功能後總覺得較為模糊,所以小弟強列推薦如果一套先鋒聽歌的話一定要善用此功能!
功能上呢部LX53相比我部老爺81多左好多玩味功能,例如聽hd音效時可加入其它音場設定功能啦,又可以加上前置效果輸出可揀front height或front wide,如果冇多對喇叭作前效的話亦都不妨試試佢既虛疑前效,有不俗既效果….不過有一點要注意係前效或後置只可任選其一(事關此機只係7.1輸出並不是9.1輸出)…
另外有用開iphone既朋友更加多樣野留意係可以用I control控制部amp既四項主要功能,不過小弟冇用開iphone所以就玩唔到勒….另外對應網上電台連接ipod呢類野當然唔小得啦…
最後總結,小弟認為呢部機以未玩過pioneer擴音機既朋友可以積極研究一下,能做到恰如其份多功能玩味性強…係市場上相信會有一定競爭力.
最後最後再次多謝先廠方借出此機,及多謝hiendy網主們協力能讓小弟試玩此機,當然要多謝各位hiendy兄弟花時間睇小弟呢篇木耳報告,多謝各位!