今晚睇o左呢套”3 Days To Kill”, 純因為Luc Besson名氣而追看, 有時名氣呢家o野又真係唔到你唔服, 簡單又已經拍到爛o既題材, 拍出比別人高一班o既效果, 雖然故事未去到好極致, 但黑色幽默中營造出步步危機, 少d功力都好難處理, 導演McG雖然我麻麻地喜歡, 由佢d電視以至電影”Terminator Salvation”統統都唔係我杯茶, 不過”3 Days To Kill”處處都係Luc Besson電影手法, 可想而知導演今次只是Luc Besson助手而已.
全片法國拍攝, Kevin Costner好有型, 簡直係中佬模範, 其餘人亦演得入形入格, 剪接, 拍攝, 配樂均屬上乘出品, 如果想要地動天搖的音效”3 Days To Kill”沒有做到, 鬼哭神嚎的槍戰爆炸畫面”3 Days To Kill”也沒有做到, 但此電影(對於我而言)沒有這些元素, 只有一個有料到的Luc Besson也可以拍得不一樣…我覺得電影是ok好睇的, 但播影前最好不要抱住好好睇的期望, 否則有期望一定會失望.