許多高人都家訪過老亨豪宅，掌門府報告都不少，真係寫無可寫，粗粗地加幾筆：
信佬佬掌門大觀園聽後感。

上星期六上午，我約埋MDLP 同PP1000 一齊朝拜掌門府。一入老亨府第，即俾豪宅氣勢所攝服，嘩！個廳洗吳洗咁大呀！Patrick即時meet 我一吓 叫我冷靜，唔好失禮人。步入大廳，跟著套黃金組合程現眼前，成套系統簡直無懈可擊，頂金 Accuphase M6000 + C3800 +DP510 + AP speaker + JR Zet3唱盤= 天仙佩，完美組合 。加上市區豪宅空中花園，濶大之聆聽環境，原原本本地將樂曲重播出呢，好比有隊管弦大樂隊在價面前演奏咁迫真。吳識點形容，總之舒服，耐聽，自然，不誇張，不造作。
同場加演一段小插曲，話說掌門選播了幾首流行曲同小提琴，有CD有LP，跟著播出梅艷芳膠膠後，掌門問眾人意見。PP話套組合播CD有CD味，比美LP 味； 播LP有LP味，又有CD味。眾人一至認為好奇突，CD 同 LP 不相伯仲。理論上LP應稱先d！大家心中盤算著，原來掌門係真老實人，成日話自己衰聲，原來係真的。大家心諗坐多一陣就學才子快閃了。再聽多兩隻後，眾人 一致認為個盤未開光，可能要搵高人如佛聯會覺光法師、天主教陳日君主教同佢聖水開光至得。講笑姐，搵梟哥攪攪佢最實際，可能更上一層樓。跟著我搵隻鼓王 同 Wellington’s Victory 去爆爆佢，開始不俗喎。精準、中高到位，低音都過關，當然不可同十五吋低音比。此非AP強項。
過了個半鈡，差不多去食lunch。掌門攞隻亞Lam LP 播三人行，一開聲，眾人眼前一亮，好掂，仲靚過當日係亞洲聽果套。再播隻張德蘭情義倆心堅，眾人即媽媽聲，原來獎門套機係要煲超過一粒鐘，先至可以進入最佳狀態。
AP夾金仔聽流行曲非常好聲，好甜，氣氛好好。交響樂氣勢澎湃，浸浸低頻響耳後（廳後牆）位置滲返出嚟。空間感非常好，定位音場非常好。
總結： 斯文聲，聽人聲，小品，流行曲…. 一流。
經此一遊後，坊間即湧現一段打油詩：
欲問仙音何處有，
牧童遙指杏花邨。