自從上次去完亞洲影視攪SHOW, 聽左三套咁頂級既黑膠系統後, 好多師兄都會估我今次一定中膠毒啦! 但好可惜, 你地又估錯左啦, 我睇中左佢套SIMAUDIO, 上次攪SHOW, 記得明哥介紹套SIMAUDIO MONO後級, 8ohm@800w, 4ohm@1600w. 這對於我這屏風用家, 1600w@4ohm的確令我有衝動想試一試SIMAUDIO既1600w推屏風, 與我之前試過既千火怪獸有咩分別. 結果, 這套頂級SIMAUDIO就送到我家給我實地測試.
包裝如何我就唔多清楚了, 因為小弟家窮屋細, 每次試機都要運輸師傅幫我開機走盒, 所以我一回到家就只見一套最新款既SIMAUDIO放喺我個SOLIDSTEEL架前. 
今次一黎就四大件器材, 分體前級既850P及單聲道後級880M一對.
每次試後級, 我對BRYSTON就發揮佢既長處, 就係–夠輕. 我可以一手就拎起佢擺埋一邊, 之後先慢慢將對880M放入架.
對880M一拎上手, 發覺佢既重量與外表不一. 小小機身竟重達近百磅, 唉, 睇黎我都要舉多D鐵, 先可以再試其他更重量級既後級了.
用左差唔多半個鐘, 好小心咁將對880M上架, 前級就KEEP住用番我部ARC REF.5se. 線材方面, 一對後級使用SHUNYATA KING COBRA供電, 前級去後級既平衡線就用番我對CARDAS CLEAR.
網上搵到機背圖片.
因這對880M已經開聲, 所以我唔駛再花時間去煲機, 直接就放入我最近最常聽既WEEKEND CLASSICS MOZART PIANO CONCERTO 21, 20.
這對MONO給我的第一印象, 高頻好靚好靚, 尤其係超高既擴散, 比我原用既BRYSTON 7Bsstc起碼高兩三班. 高頻既分析力, 幼細度將屏風既強項完完全全咁表露無為, 質感實淨又不搶耳.
我玩左咁多部機, 發覺有個共通點係, 當套機既高頻質感越強烈, 佢既分隔度會更明顯. 管絃樂團與鋼琴合奏的前後對比十分鮮明, 配合屏風既獨有音場還原度, 坐在皇帝位, 就好像”見”到鋼琴與管絃樂團既距離! 當然, 高頻一飛衝天, 但又要不搶耳, 這絕對係考驗器材設計者既功力. 這對MOON 880M 就正正有此能耐.
試完鋼琴, 就試下CELLO, 拎左隻Jacqueline Du Pre既impressions出黎聽下,
Jacqueline DuPre – Impressions.jpg (52.21 KB, 下載次數: 0)
唉, 一分錢一分貨, 當擁有良好既分隔度與質感, 無論現場既空氣感, 樂器線條都得到大大提升. 力感細緻到可以由cello與鋼琴既演奏中聽到晒, 甚至好似睇得到一樣. 好堅!
最後, 試埋佢既低頻表現如何先, 最近我比較喜歡聽ALBINONI-ADAGIO PACHELBEL-CANON & GIGUE.
當中尤以第一首以小提琴與管風琴合奏既ADAGIO最易入耳, 用之前套ARC+BRYSTON其實已可以做到一浸浸既超低頻從屏風慢慢滲透過皇帝位, 由皇帝位至喇叭後牆既地面, 彷彿好像舖上一層薄薄既低頻墊底, 加上小提琴既演奏. 好舒服, 好過引.
今次以ARC REF5se推MOON 880M, 小提琴既密度, 微動態與質感都比BRYSTON優勝. 至於管風琴既超低, 明顯比BRYSTON薄左. 我所說既薄左係浸超底既厚度. 聽多兩次, 都係同一問題. 咁我唯有將部ARC REF.5se下架, 換上MOON 850P分體前級, 睇音質與全頻會否有所提升.
接駁這套850P時, 見到代理跟左三條XLR比我, 睇真D, 佢既地XLR唔係三腳, 有兩條係四腳, 一條係好似LAN線插咁.
原來850P既電源傳輸就係使用這三條CABLE. 至於佢點解唔用傳統既電線接線就唔太清楚了. 一D太技術性既問題, 我諗要問下間廠先可以有個完滿答覆.
當駁好晒線材開聲, 拎番之前果三隻古典出黎再聽, 發覺全頻既幼細度比ARC REF.5se更好, 但問題係低頻比ref 5se更薄. 所以我再試下將塊SEGUE拎走, 部850P直接放喺SOLIDSTEEL面上. 當作出這調配後, 低頻既厚度明顯增加. 但有趣既係, 超高與分隔度並沒有改變. 咁即係話這套MOON 850P有著最高質數既化震調聲技術. SEGUE在這套機當中, 起不了改變作用, 反之用後會變差變薄了.
這套機在我家聽了足足一個月有多, 我可以有更多時間去利用不同既配件,線材配搭, 令這套MOON更能與我的屏風互相配合.
但事與願遺, 硬係覺得我對屏風並不能發揮這套頂級MOON的八成功力. 剛巧小弟有幸得到HIFI REVIEW既川哥與何森上門家訪, 言談間何森大哥更透露了SIMAUDIO這間廠所選的REFERENCE喇叭正正就是我既舊愛- WILSON AUDIO.
所以我有理由深信, 這套MOON如配搭在WILSON AUDIO既ALEXIA, MAXX3等等喇叭上, 先發揮到佢十成既威力. 再加上我借左代理套機咁耐, 係時侯要還返比代理了. 所以我期望我地可以串連一下JADIS與亞洲, 可以攪番場CROSSOVER就堅正啦.
SIMAUDIO MOON 850P – SRP $214,500
SIMAUDIO MOON 880M – SRP $336,600 (PAIR)
https://www.hiendy.com/hififorum/forum.php?mod=viewthread&tid=73734&extra=page%3D1
