澳門街既發燒友, 無人不識- 萬眾音響.

經營左11個年頭既萬眾音響, 經佢地代理既品牌多不勝數, 由平價組合至天價器材, 都一一能夠喺佢地舖頭搵到.

上個月, 我地一行三人, 我, 百事佬, CHRIS, 齊齊過澳門. 此行除左過去搵萬眾梁生食下飯, 吹下水. 仲要家訪澳門AV三子.

至於AV三子既家訪, 當然唔會由我報導啦.

其實我都係第一次黎到澳門, 唔入賭場.  哈哈. 一行三人去到澳門再搭的士去到萬眾音響既門口, 只見佢舖頭佔左兩個舖位, 門口仲有好多超級跑車. 問下老闆係咪賣埋車仔, 點知老闆話依D車仔係非賣品, 只係想吸引多D客人入黎睇野.

入到門口, 就見到一套比較入門既組合,

睇清楚D, 萬眾舖頭共分開左五個區. 分別係入門級既兩聲道, 中階兩聲道,

 

入門AV組合,

進階AV組合,

HI-END房.

而我作為兩聲道既餅主, 當然係直入HIEND房啦.

入門既左手邊….咩料呀? 軍火庫?

只見皇帝位後牆, 掛滿鎗械. 原來萬眾老闆既其中一個興趣就係玩氣鎗. 老闆話有時試聽時間太耐, 都有D話題可以同客人吹下水. 哈哈.

至於今次招呼我地既音響, 係二嫂K-03, AMP方面係我地豬賓版主都用緊既LEBEN前後級, 喇叭就係DALI.

K-03我就聽左好多次, LEBEN及DALI就未有機會聽. 今次可以一次過聽晒這兩個品牌既高檔次型號. 正!

睇清楚, 原來萬眾都用緊農夫地盒喎. 真識貨!

聽左幾首小品慢歌, 開始知道點解豬賓會中LEBEN毒. 中頻人聲夠水份, 有線條. 在這價位應該別無他選了.

反而DALI喇叭剛開箱兩日, 高中低都仲係好緊, 有D硬. 但都可以聽得出DALI在超高頻落左好多功夫. 因空間感好足夠.

聽左幾首歌, 就過番去AV房搵百事佬…

至於AV果邊既資料, 都係等CHRIS / 百事佬佢地講啦.

我喺依個POST分享埋其他相片比各會員欣賞.